Category: ملٹی میڈیا

منڈی بہاؤ الدین ۔ ریلوے پھاٹک شوگر ملز پر تین ہٹے کٹے نوجوان بھیک مانگ رہے ہیں جن کے پاس مزدوری کرنے کے اوزار بھی ہیں ان کا دعویٰ ہے ہمیں مزدوری نہیں مل رہی ان کے پاس کوئی شناختی دستاویز بھی نہیں یہ کہتے ہیں مزدوری نہیں ملی دو دن سے بھوکے ہیں کھانا نہیں کھایا اس وجہ سے بھیک مانگنے پر مجبور ہوئے ہیں.

یہ ضلع مظفر گڑھ سائیڈ کے ہیں ان کی کون گارنٹی دے کہ یہ واقعی مزدور ہیں اور بھوکے ہیں؟ انہی مزدوری نہیں ملی یا انہیں مزدوری دی جائے تو یہ دھندہ آئندہ نہیں کرینگے اور یہ کوئی پہلی بار نہیں اس سے پہلے بھی کئی بار نقاب پوش خواتین اور بیلچے کے ساتھ بھیک مانگتے مزدور کی خبریں رپورٹ ہو چکی ہیں.

جگہوں پر فیملی کیساتھ پھرتے بھیک مانگتے نوجوان اور میاں بیوی موٹرسائیکل سوار پیٹرول کے نام پر بھیک مانگتے کیا یہ لوگ واقعی حقدار ہیں یا پیشہ ور بھکاری ہیں یا جرائم پیشہ ہیں آئے روز علاقے میں چوری و راہزنی کی وارداتیں ہو رہی ہیں جن کی سی سی ٹی وی ویڈیوز ہونے کے باوجود مجرموں کا کھوج کا اتاپتہ نہیں ملتا.

یہ انتظامی اداروں کی ذمہ داری ہے ایسے افراد کی شناخت یقینی بنائیں. شہر بھر اور گردونواح میں غیر مقامی افراد بھیک مانگ رہے ہیں کسی کو پرواہ نہیں. اگر ان افراد کی بائیو میٹرک ہو اور شناخت کو یقیی بنایا جائے تو جرائم پر 80% فیصد کنٹرول ہو جائے گی.

(ڈنگہ) چیلیانوالہ اسٹیشن اچانک کار نہر میں گرنے کی وجہ سے 2 افراد وفات پا گئے ہیں۔ ابتدائی اطلاعات کے مطابق وفات پانے والوں کا تعلق سدوال گاؤں سے بتایا جا رہا ہے۔

گزشتہ رات چیلیاانولہ اسٹیشن پر ایک افسوس ناک واقعہ پیش آیا ہے۔ایک کار تیز رفتاری کی وجہ سے نہر میں جا گری جس کے نتیجے میں 2 افراد کی موقع پر ہی موت واقعہ ہو گئی اور 2 کو ہسپتال منتقل کردیا گیا۔

ابتدائی اطلاعات کے مطابق وفات پانے والوں کا تعلق سدوال گاؤں سے بتایا جا رہا ہے۔

منڈی بہاؤالدین میں مرکزی اور صوبائی قیادت کے فیصلہ کے مطابق آج مورخہ 26۔09۔2024 کو مکمل ھڑتال اور تالہ بندی کی گئی. ضلع کونسل حال سے ڈی سی آفس تک احتجاجی ریلی نکالی گئی جس میں ایپکا کی بھر شرکت تھی.

پنجاب حکومت کی ملازمین کش پالیسیوں کے خلاف شدید نعرے بازی کی گئی اور جب تک لیو انکیشمنٹ کا ظالمانہ نوٹیفکیشن، تنخواہوں پر ظالمانہ ٹیکس، 17 اے رولز کے نوٹیفکیشن وآپس نہیں ھوتے ہمارا یہ احتجاج جاری رہے گا.

ریلی کی قیادت صفدر علی تارڑ صدر ایپکا ضلع منڈی بہاؤالدین، نوراحمد عمران جلالی ضلعی جنرل سیکریٹری ایپکا منڈی بہاؤالدین، رانا علیم اختر ضلعی سرپرست اعلی ایپکا، صاحبزادہ سعید الرحمان سنیئر نائب صدر ایپکا، اظہر حسین علوی سنیئر نائب صدر ایپکا، آصف خان وڑائچ، محمد وقاص گجر نائب صدر ایپکا و دیگر عہدیداران نے کی

شوگر مل عید گاہ روڑ، چیلیانوالہ راجباہ ،چھوٹی نہر کا ٹوٹا ہوا بند ابھی تک مرمت نہیں ہو سکا ہے۔دن کے وقت ملازمین آئے تھے۔مٹی کے تھیلے رکھ کر پانی روکنے کی کوشش کرتے رہے، لیکن وہ کامیاب نہیں ہو سکے۔

یہ بند کرین کے بغیر مرمت نہیں ہو گا۔مدنی محلہ کے گھروں میں آج رات سے نہر کا پانی داخل ہو چکا ہے، پانی کھڑا ہونے کی وجہ سے کوئی مکان گرا تو جانی اور مالی نقصان بھی ہو سکتا ہے۔اہل علاقہ کا انتظامیہ سے مطالبہ ہے کہ فوری نہر کا بند مرمت کیا جائے۔

عدم برداشت کا عنصر معاشرے میں سرایت کر چکا ہے۔ معمولی جھگڑا لڑائی کا باعث بنتا ہے۔ بااثر شخصیات کے اثر و رسوخ کے باعث ملزمان بے لگام ہو گئے ہیں۔ لیکن منڈی بہاؤالدین میں واقعے کی ویڈیو وائرل ہونے پر مزدور کو بچا لیا گیا۔

تفصیلات کے مطابق منڈی بہاؤالدین کے نواحی گاؤں چک دالہ میں مویشیوں کے ساتھ کام کرنے والے مزدور کو زمیندار نے 10 ہزار ادا نہ کرنے پر زنجیروں سے باندھ کر قید کر دیا۔تاہم سوشل میڈیا پر وائرل ویڈیو کا نوٹس لیتے ہوئے پھالیہ پولیس نے مزدور کو بازیاب کرا لیا ہے۔

منڈی بہاوالدین کے نواحی گاوں چک دالہ میں مویشیوں کو چارہ ڈالنے والے مظفر گڑھ کے رہائشی حاجی احمد ولد رسول بخش کو کام چھوڑ کر بھاگ جانے اور بقایا دس ہزار روپے نہ دینے پر مانو چک کے با اثر زمیندار مبینہ طور پر قید کر لیا اور اس کے پاوں میں زنجیر ڈال کر ریڑھی کے ساتھ باندھ دیا اور تشدد کا نشانہ بناتے رہے۔

واقعے کی ویڈیو وائرل ہونے پر ڈی پی او منڈی بہاؤالدین احمد محی الدین نے نوٹس لے لیا۔ پھالیہ پولیس نے مذکورہ مزدور کو بازیاب کر کے 5 ملزمان کے خلاف مقدمہ درج کر لیا ہے۔