Mbdin News منڈی بہاؤالدین نیوز

Category: منڈی بہاوالدین

  • ایف آئی اے نے انسانی سمگلنگ کے بین الاقوامی نیٹ ورک کے 5 ملزمان گرفتار

    ایف آئی اے نے انسانی سمگلنگ کے بین الاقوامی نیٹ ورک کے 5 ملزمان گرفتار

    ایف آئی اے گوجرانوالہ زون نے انسانی اسمگلنگ اور ویزہ فراڈ میں ملوث گروہ کے خلاف بڑی کارروائی کرتے ہوئے ریڈ بک میں درج انتہائی مطلوب انسانی سمگلر سمیت 5 افراد کو گرفتار کرلیا۔

    ایف آئی اے کے ترجمان کے مطابق گرفتاریاں منڈی بہاءالدین، گجرات، شیخوپورہ اور وزیر آباد میں مختلف چھاپوں کے دوران کی گئیں۔ ایف آئی اے ترجمان کے مطابق گرفتار ملزمان میں محمد سعید عرف سعید سنیارہ، محمد ادریس، محمد سلطان عرش، محمد برہان رضا اور نعیم نواز شامل ہیں۔

    ملزمان شہریوں کو بیرون ملک نوکریوں کا جھانسہ دے کر لاکھوں روپے کا فراڈ کرنے میں ملوث پائے گئے۔ ریڈ بک میں شامل انتہائی مطلوب ملزم محمد سعید عرف سنیارہ کو گجرات سے گرفتار کر لیا گیا۔ملزم پر جون 2023 میں لیبیا/یونان کے کشتی حادثے میں ملوث ہونے کا الزام ہے، جس میں درجنوں پاکستانی ہلاک ہوئے تھے۔

    ابتدائی تفتیش میں انکشاف ہوا کہ ملزمان نے گلبرگ کالونی گجرات میں 8 مرلہ زمین غیر قانونی طریقے سے خریدی۔ اس کے خلاف انسانی سمگلنگ کے 12 سے زائد مقدمات درج ہیں۔ اور اس نے کشتی حادثے میں جاں بحق ہونے والوں کے لواحقین سے بھاری رقوم بھی وصول کیں۔

    شیخوپورہ سے گرفتار ہونے والے محمد ادریس نے شہریوں کو فرانس کا ورک ویزہ دلانے کا جھانسہ دے کر 35 لاکھ 50 ہزار روپے بٹورے۔وزیر آباد سے گرفتار سلطان ارش پر کینیڈا میں نوکری دلانے کے نام پر شہری سے 2 لاکھ 50 ہزار روپے بٹورنے کا الزام ہے۔

    گوجرانوالہ سے گرفتار محمد برہان رضا نے شہری کو جرمنی بھجوانے کے عوض 15 لاکھ روپے سے زائد وصول کئے۔ منڈی بہاءالدین کی تحصیل پھالیہ سے گرفتار ملزم نعیم نواز نے البانیہ میں نوکری کا جھانسہ دے کر شہری سے چار لاکھ روپے بٹورے۔

    ایف آئی اے کے ترجمان نے کہا ہے کہ انسانی سمگلنگ میں ملوث عناصر کے خلاف کارروائیاں جاری رہیں گی اور شہریوں سے اپیل ہے کہ بیرون ملک ملازمت کے لیے قانونی ذرائع سے رجوع کریں۔ ملزم سے مزید تفتیش جاری ہے۔

  • جہلم میں کار گرنے کا واقعہ، معصوم عنابیہ کی لاش 8 دن بعد رسول بیراج سے مل گئی

    جہلم میں کار گرنے کا واقعہ، معصوم عنابیہ کی لاش 8 دن بعد رسول بیراج سے مل گئی

    جہلم: اپر جہلم نہر میں کار گرنےکا واقعہ، جہلم سے تعلق رکھنے والی 6 ماہ کی معصوم بچی عنابیہ کی لاش 8 روز بعد رسول بیراج سے مل گئی، لاش کو اسپتال منتقل کر دیا گیا۔

    تفصیلات کے مطابق منڈی بہاءالدین میں رسول بیراج کے قریب اپر جہلم نہر میں ڈوبنے کے افسوسناک واقعے میں لاپتہ ہونے والی جہلم کی رہائشی چھ ماہ کی بچی انابیہ خالد کی لاش آٹھ روز بعد رسول بیراج سے برآمد کر لی گئی ہے۔ حادثے میں جاں بحق ہونے والوں کی کل تعداد پانچ ہو گئی ہے۔

    ریسکیو حکام کے مطابق 14 مئی کو پیش آنے والے اس افسوسناک واقعے میں جہلم سے تعلق رکھنے والے ایک خاندان کی گاڑی کا ٹائر پھٹنے سےکار بے قابو ہو کر نہر میں جاگری۔ حادثے کے نتیجے میں 4 خواتین اور 6 ماہ کی انابیہ خالد ڈوب کر جاں بحق جبکہ ایک خاتون کو زندہ بچا لیا گیا تھا.

    ریسکیو ذرائع کا کہنا ہے کہ حادثے کے روز چاروں خواتین کی لاشیں نکال لی گئیں۔ تاہم چھ ماہ کی عنابیہ کی تلاش آٹھ روز تک جاری رہی جسے بالآخر رسول بیراج سے برآمد کر لیا گیا۔ حکام کا کہنا ہے کہ لڑکی کا جسم سوج چکا تھا اور اسے ہسپتال منتقل کر دیا گیا ہے۔

    واقعے کے فوری بعد ریسکیو ٹیموں نے سرچ آپریشن شروع کردیا تھا جو کئی روز تک جاری رہا۔ جاں بحق ہونے والی لڑکی اور خواتین کا تعلق جہلم کے شمالی علاقے سے ہے۔ یاد رہے کہ حادثہ میں ملوث خاندان اپنے قریبی رشتہ دار کی موت کے بعد رسول گاؤں جا رہا تھا کہ یہ المناک حادثہ پیش آیا۔

  • منڈی بہاءالدین کے نوید احمد نے لندن یونیورسٹی سے ماسٹرز کی ڈگری حاصل کر لی

    منڈی بہاءالدین کے نوید احمد نے لندن یونیورسٹی سے ماسٹرز کی ڈگری حاصل کر لی

    نوید احمد سیال نے بی پی پی یونیورسٹی لندن سے ماسٹرز کی ڈگری حاصل کر کے منڈی بہاؤالدین کا نام عالمی سطح پر روشن کر دیا

    لندن / منڈی بہاؤالدین (نمائندہ خصوصی) جب عزم، حوصلہ، محنت اور دعا ایک ساتھ ہو جائیں تو کامیابی منزل خود بن جاتی ہے۔ منڈی بہاؤالدین کے درخشاں سپوت نوید سیال نے اسی حقیقت کو سچ ثابت کرتے ہوئے دنیا کی معروف اور باوقار درسگاہ BPP University London سے ہیلتھ کیئر اینڈ لیڈرشپ میں ماسٹرز کی ڈگری حاصل کر کے ضلع منڈی بہاءالدین کی علمی تاریخ میں ایک نیا باب رقم کر دیا ہے۔

    یہ ڈگری محض ایک تعلیمی سند نہیں بلکہ عزم، بصیرت اور قومی وقار کی نمائندہ ہے۔ نوید سیال نے نہ صرف علمی کامیابی حاصل کی، بلکہ اپنی صلاحیت، لیڈرشپ اور وژن سے اس کامیابی کو مثالی بنا دیا۔ ان کی یہ کامیابی اُن تمام نوجوانوں کے لیے مشعل راہ ہے جو خواب تو دیکھتے ہیں، مگر ان کی تعبیر کے لیے جدوجہد سے گھبراتے ہیں۔

    نوید سیال کا تعلق ایک علمی، سماجی اور باشعور خاندان سے ہے۔ وہ صحافی ظہیر سیال کے بھائی ہیں جنہوں نے صحافت میں اپنی خدمات سے سماج میں مثبت تبدیلی کے لیے کردار ادا کیا۔ نوید سیال نے تعلیم کے میدان میں وہی چراغ تھاما اور علم و قیادت کی نئی منزلیں سر کر لیں۔

    یونیورسٹی BPP لندن دنیا بھر سے آنے والے ذہین طلبہ کے لیے اعلیٰ تعلیم کا مرکز ہے۔ یہاں سے ماسٹرز کی ڈگری حاصل کرنا صرف تعلیمی قابلیت کا ثبوت نہیں بلکہ عالمی سطح پر قیادت، تحقیق اور عملی صلاحیتوں کا اعتراف ہے۔ نوید سیال نے اس مقام تک پہنچ کر ثابت کر دیا کہ پاکستانی نوجوان کسی سے کم نہیں۔

    انہوں نے اپنی اس کامیابی کو اپنے والدین کی دعا، اساتذہ کی راہنمائی اور مسلسل محنت کا نتیجہ قرار دیا۔ ان کے الفاظ میں “یہ صرف میری کامیابی نہیں، بلکہ میرے شہر، میرے ضلع، اور میرے وطن کی کامیابی ہے۔ میں یہ ڈگری صرف فریم میں نہیں سجاؤں گا بلکہ اسے پاکستان کے صحت کے شعبے میں اصلاحات اور قیادت کے لیے وقف کروں گا۔”

    نوید سیال اس وقت برطانیہ میں مقیم ہیں اور مستقبل قریب میں بین الاقوامی اداروں سے وابستہ ہو کر پاکستان کے شعبۂ صحت میں بہتری، جدید نظام اور اصلاحات کے لیے عملی کردار ادا کرنے کا ارادہ رکھتے ہیں۔

    ان کی اس نمایاں اور تاریخی کامیابی پر منڈی بہاؤالدین اور گجرات ڈویژن کے علمی، سماجی اور صحافتی حلقوں میں خوشگوار جوش و خروش کی فضا قائم ہو گئی ہے۔ انہیں ضلع کا روشن ستارہ، نوجوان نسل کا رول ماڈل اور تعلیمی میدان میں جدوجہد کی علامت قرار دیا جا رہا ہے۔

    یہ کامیابی اس پیغام کی حامل ہے کہ وسائل کی کمی یا دیہی پس منظر کبھی بھی کامیابی کی راہ میں رکاوٹ نہیں بنتے، اگر ارادہ مضبوط اور نیت صاف ہو۔

  • پنجاب بورڈ آف ریونیو کی کارکردگی رپورٹ جاری، منڈی بہاءالدین 12ویں نمبر پر رہا

    پنجاب بورڈ آف ریونیو کی کارکردگی رپورٹ جاری، منڈی بہاءالدین 12ویں نمبر پر رہا

    پنجاب حکومت نے پنجاب بورڈ آف ریونیو کی اپریل 2025 کی کارکردگی رپورٹ جاری کر دی. پنجاب حکومت کی جانب سے جاری کردہ رپورٹ میں کہا گیا ہے کہ ضلع بہاولنگر کارکردگی کے لحاظ سے پہلے نمبر پر ہے۔

    ضلع لیہ دوسرے، پاکپتن تیسرے، راجن پور چوتھے، وہاڑی پانچویں، چنیوٹ چھٹے، لودھراں ساتویں، ضلع اوکاڑہ آٹھویں، خانیوال نویں، رحیم یار خان دسویں اور لاہور گیارہویں نمبر پر ہے۔

    ضلع منڈی بہاءالدین 12ویں، فیصل آباد 13ویں، بھکر 14ویں، ٹوبہ ٹیک سنگھ 15ویں، ملتان 16ویں، مظفر گڑھ 17ویں اور گوجرانوالہ 18ویں نمبر پر رہا.میانوالی 19ویں، گجرات 20ویں نمبر پر، میانوالی 19ویں نمبر پر، گجرات 20ویں نمبر پر، سرگودھا 21ویں نمبر پر اور بہاولپور 22ویں نمبر پر رہا۔

    رپورٹ کے مطابق ساہیوال 23ویں، خوشاب 24ویں، مری 25ویں اور راولپنڈی 26ویں نمبر پر رہا۔ ننکانہ صاحب 27ویں، شیخوپورہ 28ویں، اٹک 29ویں اور سیالکوٹ 30ویں نمبر پر رہا۔

    جھنگ 31ویں، جہلم 32ویں، نارووال 33ویں اور ڈیرہ غازی خان 34ویں نمبر پر رہا۔ تلہ گنگ 35ویں، وزیر آباد 36ویں، کوٹ ادو 37ویں، چکوال 38ویں، حافظ آباد 39ویں اور ضلع قصور آخری نمبر پر رہا۔

  • منڈی بہاءالدین میں ملاوٹ مافیا کے خلاف کریک ڈاؤن جاری

    منڈی بہاءالدین میں ملاوٹ مافیا کے خلاف کریک ڈاؤن جاری

    منڈی بہاؤالدین: وزیر اعلیٰ پنجاب مریم نواز شریف کی خصوصی ہدایات پر پنجاب فوڈ اتھارٹی کی جانب سے منڈی بہاءالدین میں بھی ملاوٹ مافیا کے خلاف سخت کارروائی کی جا رہی ہے۔

    ڈی جی فوڈ اتھارٹی پنجاب کے حکم پر فوڈ سیفٹی ٹیموں نے شہر کے مختلف مقامات پر ناکے لگا کر دودھ سپلائی کرنے والی گاڑیوں کی چیکنگ کی۔ چیکنگ کے دوران دودھ میں پانی کی ملاوٹ اور قدرتی چکنائی کی شدید کمی پائی گئی جس پر فوڈ سیفٹی ٹیموں نے سینکڑوں لیٹر ملاوٹ شدہ دودھ کو موقع پر تلف کر دیا۔

    اس موقع پر ڈی جی فوڈ اتھارٹی پنجاب عاصم جاوید نے کہا کہ ملاوٹ شدہ دودھ کا استعمال بچوں اور بوڑھوں میں متعدد بیماریوں کا باعث بنتا ہے۔ انہوں نے ملاوٹ مافیا کو ملک و قوم کا دشمن قرار دیتے ہوئے کہا کہ ان سے آہنی ہاتھوں سے نمٹا جائے گا۔

  • منڈی بہاءالدین میں سیوریج، نکاسی آب، گلیوں، نالیوں کی تعمیر اور توسیع پر غور

    منڈی بہاءالدین میں سیوریج، نکاسی آب، گلیوں، نالیوں کی تعمیر اور توسیع پر غور

    کمشنر گوجرانوالہ ڈویژن سید نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کے اجلاس میں مالی سال 2024-25 کی مجوزہ ترقیاتی سکیموں کا جائزہ لیا گیا. چیلیانوالہ، ملکوال اور منڈی بہاؤالدین میں سیوریج اور نکاسی آب، گلیوں اور نالوں کی تعمیر، توسیع اور مرمت پر غور

    ڈائریکٹر ڈویلپمنٹ اینڈ فنانس محمد عبدالرؤف اور دیگر محکموں کے سربراہان نے کمشنر آفس میں شرکت کی جبکہ اضلاع کے ڈپٹی کمشنرز نے ویڈیو لنک کے ذریعے شرکت کی۔ اجلاس میں مختلف شعبوں سے متعلق اسکیموں پر غور کیا گیا اور عوامی سہولیات، انفراسٹرکچر کی بہتری اور گڈ گورننس پر زور دیا گیا۔

    ان سکیموں کے مالی، تکنیکی اور انتظامی پہلوؤں کا تفصیلی جائزہ لیا گیا اور انہیں منظوری کے لیے متعلقہ فورمز کو بھیجنے کا فیصلہ کیا گیا۔ ان سکیموں میں چیلیانوالہ منڈی بہاءالدین میں سیوریج اور نکاسی آب کی تعمیر، تحصیل ملکوال منڈی بہاؤالدین میں گلیوں اور نالوں کی تعمیر اور گجرات میں کھاریاں سے ڈنگہ تک چوہدری ظہور الٰہی روڈ بائی پاس کی توسیع اور بحالی شامل ہیں۔

    کمشنر نے ہدایت کی کہ متعلقہ اضلاع کے ڈپٹی کمشنرز اور دیگر افسران ان سکیموں میں معیاری میٹریل کے استعمال اور ان کی بروقت تکمیل کو یقینی بنائیں۔ ترقیاتی کاموں میں کرپشن کسی صورت برداشت نہیں کی جائے گی۔

  • منڈی بہاءالدین میں ماڈل بازار، فوڈ اسٹریٹ، پارک اور پارکنگ ایریا بنایا جائے گا

    منڈی بہاءالدین میں ماڈل بازار، فوڈ اسٹریٹ، پارک اور پارکنگ ایریا بنایا جائے گا

    وزیراعلیٰ مریم نواز کی زیر صدارت کمشنر اور ڈپٹی کمشنر کا 4 گھنٹے طویل اجلاس۔ 17 اضلاع میں بیوٹیفکیشن کے منصوبوں کی منظوری۔ بڑے شہروں کو 1100 الیکٹرک بسیں فراہم کرنے کا اعلان۔

    وزیراعلیٰ پنجاب مریم نواز کی زیر صدارت کمشنرز اور ڈپٹی کمشنرز کے اجلاس کا تیسرا سیشن ہوا۔ اجلاس کو 17 اضلاع میں جاری انسداد تجاوزات آپریشن اور بیوٹیفکیشن پلان کے بارے میں بتایا گیا۔ وزیراعلیٰ مریم نواز نے اضلاع کے ترقیاتی منصوبوں کا تفصیلی جائزہ لیا۔

    وزیراعلیٰ نے 17 اضلاع میں بیوٹیفکیشن کے منصوبوں کی منظوری دی۔ وزیراعلیٰ نے اضلاع کو ہدایت کی کہ وہ خوبصورتی اور بہتری کے لیے فنڈز کی فراہمی کے لیے اقدامات کریں۔ وزیراعلیٰ کو اضلاع کے سالانہ ترقیاتی پروگراموں کے بارے میں بریفنگ دی گئی۔ وزیراعلیٰ نے حافظ آباد، راولپنڈی اور نارووال کے ڈپٹی کمشنرز کو اعزازیہ دینے کا اعلان کیا۔

    مزید بتایا گیا کہ منڈی بہاءالدین میں تجاوزات کے خاتمے کا آپریشن کامیابی سے جاری ہے۔ منڈی بہاؤالدین میں فوڈ اسٹریٹ، پارک اور پارکنگ ایریا بنایا جائے گا۔ صدر بازار منڈی بہاوالدین کو ماڈل بازار بنایا جائے گا۔ منڈی بہاؤالدین کے 8 قدیم بازاروں کو بحال اور بہتر کیا جائے گا۔

    منڈی بہاؤالدین میں رنگ روڈ، فلائی اوور، غلہ اور سبزی منڈی کی منتقلی کی منظوری

    گجرات میں 84 فیصد تجاوزات کا خاتمہ کر دیا گیا ہے۔ گجرات سٹیڈیم کے قریب فوڈ سٹریٹ اور سولر روڈ لائٹس لگائی جائیں گی۔ حافظ آباد میں 73 فیصد تجاوزات کا خاتمہ کر دیا گیا ہے۔ حافظ آباد میں وینیک روڈ کو ماڈل بازار کا درجہ دیا جائے گا۔ بھکر میں عمر فاروق روڈ اور کینال کی ازسرنو تعمیر اور خوبصورتی کی جائے گی۔

  • رکشہ ڈرائیور نے نئی نویلی دلہن کو زیادتی کا نشانہ بنا ڈالا

    رکشہ ڈرائیور نے نئی نویلی دلہن کو زیادتی کا نشانہ بنا ڈالا

    ڈسکہ میں رکشہ ڈرائیور نے منڈی بہاءالدین کی نئی نویلی دلہن کو زیادتی کا نشانہ بنا ڈالا، پولیس نے مقدمہ درج کر لیا

    (م) کی ایک ہفتہ قبل شادی ہوئی اور منڈی بہاءالدین سے اکیلی اپنے شوہر کے گھر واپس آرہی تھی۔ وہ ڈسکہ سے منڈیکی گورائیہ کے لیے رکشے میں سوار ہوئی تو نامعلوم ڈرائیور نے اسے نہرا موترہ پل پر لے جا کر زیادتی کا نشانہ بنایا۔ پولیس نے مقدمہ درج کر لیا ہے۔

  • منڈی بہاؤالدین میں رنگ روڈ، فلائی اوور، غلہ اور سبزی منڈی کی منتقلی کی منظوری

    منڈی بہاؤالدین میں رنگ روڈ، فلائی اوور، غلہ اور سبزی منڈی کی منتقلی کی منظوری

    چیف سیکرٹری پنجاب چوہدری زاہد اختر زمان گجر کی خصوصی کاوش سے ڈپٹی کمشنر منڈی بہاءالدین ڈاکٹر فیصل سلیم کی زیر قیادت رِنگ روڑ کی فائنل Approval

    ریلوے پھاٹک پر فلائی اوور، غلہ منڈی اور سبزی منڈی کی واسو بنگلہ منتقلی، غلہ منڈی والی جگہ پر بیوٹیفکیشن کرکے ویلیو ایڈیشن، فوڈ سٹریٹ، لاری اڈے جگہ کو واگزار کروا کر ایک سیدھی دیوار کھڑی کرکے ڈیجیٹل پارک کا قیام، چک بساوا نہر تا ڈھوک داؤد روڈ کی تعمیر اس کے ساتھ ساتھ مزید چند بڑے پراجیکٹس جن کی فائنل Approval ہوچکی ہے ۔

  • پھالیہ سے تعلق رکھنے والا نوجوان کویت میں سڑک حادثے میں جاں بحق ہوگیا

    پھالیہ سے تعلق رکھنے والا نوجوان کویت میں سڑک حادثے میں جاں بحق ہوگیا

    کوٹ ککے شاہ تحصیل پھالیہ ضلع منڈی بہاوالدین سے انتہائی افسوس ناک خبر ۔

    مرزا خان چدھڑ (مرحوم )کا جواں سال بیٹا ممتاز احمد چدھڑ کویت کے اندر روڑ ایکسڈنٹ میں وفات پا گیا ہے آج ان کی میت ان کے آبائی گاؤں کوٹ ککے شاہ آنے کا امکان ہے نماز جنازہ کا اعلان بعد میں کیا جائے گا ۔۔