Category: اسپیشل فیچرز

پاکستان میں پیٹرولیم مصنوعات کی قیمتوں میں 12 روپے فی لیٹر کمی کا امکان ہے۔ میڈیا رپورٹس کے مطابق ذرائع کا کہنا ہے کہ عالمی مارکیٹ میں برینٹ کروڈ آئل کی قیمت میں کمی کا سلسلہ جاری ہے جس کے باعث برینٹ خام تیل 60.12 ڈالر فی بیرل کی سطح پر پہنچ گیا ہے۔

یکم اور 2 اپریل کو برینٹ خام تیل کی قیمت 74.95 ڈالر فی بیرل تھی۔ 2 اپریل سے برینٹ کروڈ آئل کی قیمت میں 14 ڈالر فی بیرل سے زیادہ کی کمی ہوئی ہے۔عالمی مارکیٹ میں مسلسل گراوٹ کے پیش نظر جی ایس ٹی کی شرح میں بھی اضافہ کیا جا سکتا ہے۔

دوسری جانب عالمی مارکیٹ میں سونے کی قیمت میں اتار چڑھاؤ کا سلسلہ جاری ہے۔ عالمی منڈی میں سونے کی قیمتوں میں اضافے کے باعث پاکستان میں بھی قیمتوں میں نمایاں اضافہ ہوا ہے۔میڈیا رپورٹس کے مطابق عالمی مارکیٹ میں سونے کی قیمتوں میں اضافے کے باعث پاکستان میں بھی سونے کی قیمت میں اضافہ ہوا ہے۔

بین الاقوامی مارکیٹ میں پیٹرول اور ڈیزل کی قیمتوں میں مزید کمی ہوئی ہے جس کا اثر پاکستان میں بھی پڑنے کا امکان ہے۔ عالمی سطح پر پیٹرول اور ڈیزل کی قیمتوں میں کمی کے بعد ملک میں بھی قیمتوں میں کمی کا امکان ہے۔

عالمی منڈی میں پیٹرول کی قیمت میں ایک ڈالر چوالیس سینٹس کی کمی ہوئی ہے جس کے بعد پیٹرول کی قیمت سات ڈالر چوبیس سینٹ سے کم ہو کر پانچ ڈالر چوراسی سینٹس فی بیرل ہوگئی ہے۔

اسی طرح عالمی سطح پر ڈیزل کی قیمت میں بھی ساٹھ سینٹ کی کمی کی گئی ہے۔ عالمی قیمتوں میں کمی کے باعث پاکستان میں پیٹرول اور ڈیزل کی قیمتوں میں کمی کا امکان ہے۔

مارکیٹ ذرائع کا کہنا ہے کہ موجودہ عالمی قیمت کے مطابق پاکستان میں پیٹرول تین روپے اٹھارہ پیسے فی لیٹر جبکہ ڈیزل تین روپے فی لیٹر سستا ہو سکتا ہے۔ تاہم حتمی فیصلہ حکومت اگلی قیمتوں کے تعین کے وقت کرے گی۔

عالمی اور مقامی مارکیٹ میں آج سونے کی قیمت میں اضافے کا سلسلہ جاری رہا جس کے بعد اس کی قیمت تاریخ کی نئی بلند ترین سطح پر پہنچ گئی۔

رپورٹ کے مطابق بین الاقوامی سطح پر مہنگائی میں اضافے کے خدشات ہیں۔ سونے کے ذخائر میں اضافے کے لیے مختلف ممالک کی جانب سے سونے کی خریداری کی سرگرمیوں کے باعث بین الاقوامی اور مقامی سطح پر سونے کی قیمتیں روزانہ کی بنیاد پر نئے ریکارڈ قائم کر رہی ہیں۔

جیسے ہی بین الاقوامی صرافہ مارکیٹ میں سونے کی فی اونس قیمت 16 ڈالر اضافے سے 3,038 ڈالر کی نئی بلند ترین سطح پر پہنچ گئی، مقامی صرافہ مارکیٹوں میں 24 قیراط سونے کی فی تولہ قیمت بھی بدھ کو 1,650 روپے اضافے سے 319,000 روپے کی نئی بلند ترین سطح پر پہنچ گئی۔

اس کے علاوہ فی 10 گرام سونے کی قیمت بھی 1،415 روپے اضافے سے 273,491 روپے کی بلند ترین سطح پر پہنچ گئی۔ اس کے برعکس فی تولہ چاندی کی قیمت بغیر کسی تبدیلی کے 3،555 روپے اور فی دس گرام چاندی کی قیمت بغیر کسی تبدیلی کے 3،047 روپے پر برقرار رہی۔

عیدالفطر کی آمد پر شہریوں میں نئے نوٹ حاصل کرنے کی تگ و دو شروع ہو چکی ہے جس کو بآسانی ٹیکسٹ میسج کے ذریعے حاصل کیا جا سکتا ہے۔

نئے نوٹ حاصل کرنے کے لیے شہری 8877 پر شناختی کارڈ نمبر اور بینک برانچ ایس ایم ایس کر سکتے ہیں. نئے نوٹ بینک پہنچنے پر آپ کو ایس ایم ایس سے مطلع کیا جائے گا۔

تصدیقی ایس ایم ایس موصول ہونے کے بعد شہری کو دو دن میں متعلقہ بینک برانچ جانا ہوگا اور اصل شناختی کارڈ کی فوٹو کاپی کے ساتھ آپ 10 روپے کے نوٹ کے تین پیکٹ، پچاس روپے کے نوٹس کا ایک پیکٹ اور 100 روپے کا نوٹ کا ایک پیکٹ حاصل کر سکتے ہیں۔

ایک شناختی کارڈ اور موبائل نمبر کو صرف ایک مرتبہ ہی استعمال میں لایا جا سکے گا. کسی بھی قسم کی شکایت اور معلومات کے لیے اسٹیٹ بینک کے فون نمبر 111-008-877 پر رابطہ کیا جا سکتا ہے۔

پاکستان کرپٹو کونسل باضابطہ طور پر قائم ہو چکی ہے۔ وزارت خزانہ کے مطابق وزیر خزانہ محمد اورنگزیب چیئرمین اور بلال بن ثاقب سی ای او ہوں گے۔

پاکستان کرپٹو کونسل باضابطہ طور پر قائم ہو چکی ہے۔ وزارت خزانہ کے مطابق وفاقی وزیر خزانہ محمد اورنگزیب پاکستان کرپٹو کونسل کے سربراہ کے طور پر کام کریں گے۔ پاکستان کرپٹو کونسل کے وزیر خزانہ کے چیف ایڈوائزر بلال بن ثاقب کو کونسل کا سی ای او مقرر کیا گیا ہے۔

وزارت خزانہ کے مطابق، یہ ملک میں بلاک چین ٹیکنالوجی اور ڈیجیٹل اثاثوں کے فروغ میں ایک اہم قدم ہے۔ کونسل مؤثر پالیسی سازی اور کرپٹو اپنانے کے لیے جدت کو فروغ دینے میں اپنا کردار ادا کرے گی۔

وزارت خزانہ کا کہنا ہے کہ یہ کونسل ایک محفوظ مالیاتی نظام کے قیام میں بھی کلیدی کردار ادا کرے گی۔ یہ ڈیجیٹل معیشت کی ترقی کے لیے حکومت کے عزم کا عکاس ہے۔