ملک کے دو بڑے ڈیم تربیلا اور منگلا ڈیڈ لیول پر پہنچ گئے ہیں۔ پانی کی شدید قلت کے باعث تربیلا ڈیم اور منگلا ڈیم میں آمد کے مطابق پانی چھوڑنے کا فیصلہ کیا گیا ہے۔
پاکستان میں پانی کی کمی انتہائی تشویشناک صورتحال اختیار کر چکی ہے۔ انڈس ریور سسٹم اتھارٹی نے پانی کی تقسیم کا نیا ضابطہ جاری کرتے ہوئے صوبوں کو خبردار کیا ہے کہ تربیلا ڈیم اور منگلا ڈیم میں پانی کی سطح ڈیڈ لیول کے قریب پہنچ رہی ہے۔
جاری خط میں کہا گیا ہے کہ ربیع کے بقیہ سیزن میں 30 سے 35 فیصد پانی کی قلت کا اندازہ ہے۔ جو پانی ڈیموں میں آئے گا وہ مستقبل میں چھوڑا جائے گا۔ ارسا نے خبردار کیا ہے کہ جب تک بارش نہیں ہوتی صورتحال میں بہتری کا امکان نہیں ہے۔ بارش نہ ہونے کی صورت میں منگلا اور تربیلا 3 سے 4 روز میں ڈیڈ لیول پر جا سکتے ہیں۔
