ملکوال عدالت میں پیشی پر جاتے ہوئے فائرنگ سے دو افراد زخمی

منڈی بہاؤالدین: چک رائب نہر کے قریب فائرنگ، پیشی کے لیے عدالت جاتے ہوئے 2 افراد زخمی۔ چند روز قبل نین رانجھا میں عامر نواز کے فریق اور مخالف فریق کے درمیان لڑائی کے دوران فائرنگ سے 4 افراد زخمی ہوگئے تھے۔

اسی کیس میں علی نواز اور شعیب ملکوال کی سول کورٹس میں جا رہے تھے۔ تحصیل کورٹس کے قریب چک رائب نہر ٹریک پر پہنچے تو گھات لگائے بیٹھے مخالفین نے ان پر حملہ کر دیا جس سے علی نواز اور شعیب زخمی ہو گئے۔

اطلاع ملنے پر ریسکیو ٹیم نے زخمیوں کو ابتدائی طبی امداد فراہم کی اور ہسپتال منتقل کر دیا۔ پولیس کے مطابق ملزمان کی گرفتاری کے لیے چھاپے مارے جا رہے ہیں۔