سید رضا صفدر کاظمی کو ڈسٹرکٹ پولیس آفیسر منڈی بہاؤالدین تعینات کر دیا گیا ۔ڈسٹرکٹ پولیس آفیسر نے میڈیا سے گفتگو کرتے ہوئے کہا کہ منڈی بہائوالدین کو جرائم سے پاک کرکے دم لینگے.
پھالیہ (نامہ نگار )ایس ایس پی ساجد حسین کھوکھر منڈی بہاوالدین سے تبدیل. سید رضا صفدر کاظمی کو ڈسٹرکٹ پولیس آفیسر منڈی بہاؤالدین تعینات کر دیا گیا. ایس ایس پی ساجد حسین کھوکھر 7 فروری 2023 کو منڈی بہاءالدین میں تعینات ہوئےتھے اور 2 ماہ بعد انکا تبادلہ کر دیا گیا ہے.
میڈیا سے گفتگوکرتے ہوئے انہوں نے کہا کہ ضلع سے جرائم کا خاتمہ اولین ترجیح ہے ،پولیس کی رٹ قائم کرنے کیلئے ہرممکن اقدامات کریں گے ، چوروں، ڈاکوؤں، رسہ گیروں ، منشیات فروشوں ، جوئے اور ،فحاشی کے اڈے برداشت نہیں کروں گا.
یہ بھی پڑھیں: ساجد حسین کھوکھر منڈی بہائوالدین کے نئے ڈی پی او تعینات
ایک سوال کے جواب میں انہوں نے کہا کہ آرپی او گوجرانولہ کی زیر قیادت ضلع منڈی بہائوالدین کو جرائم سے پاک کرکے دم لیں گے ۔محکمہ پولیس کے افسروں اور اہلکاروں کو پیغام دیتے ہوئے کہا کہ کسی کا دباؤ خاطر میں نہ لائیں اور جرائم پیشہ عناصر کیخلاف سینہ سپر ہو کر پولیس کے وقار کو بہتر کرنے میں ہر ممکن اقدامات کریں.
منڈی بہاءالدین میں تعینات افسران کی لسٹ دیکھیں
ضلع منڈی بہاؤالدین میں پولیس گشت میں اضافہ کیا جائے گا اور سٹریٹ کرائم میں ملوث افراد اور جرائم پیشہ عناصر کے گرد گھیرا تنگ کر دیا جائے گا ۔
