Tag: Mandi Bahauddin

  • سرائے عالمگیر، منڈی بہاءالدین روڈ پر یونیورسٹی کے قریب ملزمان سے چرس برآمد

    سرائے عالمگیر، منڈی بہاءالدین روڈ پر یونیورسٹی کے قریب ملزمان سے چرس برآمد

    اینٹی نارکوٹکس فورس (اے این ایف) نے تعلیمی اداروں سمیت مختلف شہروں میں منشیات فروشی کے خلاف بھرپور کریک ڈاؤن کیا جس کے نتیجے میں 9 مختلف کارروائیوں میں 14 ملزمان کو گرفتار کر لیا۔

    ان کارروائیوں کے دوران مجموعی طور پر 165.4 ملین روپے مالیت کی منشیات ضبط کی گئیں۔ اے این ایف نے تعلیمی اداروں میں منشیات کی سمگلنگ اور فروخت کے خلاف بھی خصوصی کارروائیاں کیں اور ایک بڑے نیٹ ورک کو بے نقاب کیا۔

    ڈی ایچ اے کراچی (چھوٹا بخاری) میں 2 موٹر سائیکل سوار ملزمان سے 1 کلو آئس برآمد کر لی گئی۔ لاہور میں سرائے عالمگیر، منڈی بہاءالدین روڈ پر یونیورسٹی کے قریب 3 ملزمان سے 12 کلو گرام چرس برآمد کر لی گئی، جسے بڑی مہارت سے گاڑی میں چھپایا گیا تھا۔

    گرفتار ملزمان نے اعتراف کیا کہ وہ تعلیمی اداروں کے طلباء کو منشیات فروخت کرتے تھے۔ کاک پل ایکسپریس وے اسلام آباد کے قریب 4 ملزمان سے 12 کلو چرس برآمد کر لی گئی۔ آر سی ڈی روڈ حب پر مسافر بس سے 10.8 کلو گرام چرس برآمد ہوئی جس میں ایک خاتون بھی موجود تھی۔

    جنرل بس ٹرمینل پشاور کے قریب ایک افغان شہری سے پنچنگ پیڈز میں چھپائی گئی 5 کلو آئس برآمد ہوئی۔ شاہی قلعہ سرکلر روڈ لاہور کے قریب کارروائی کے دوران ملزمان سے 706 گرام ایکسٹیسی گولیاں اور 200 گرام آئس برآمد کر لی گئی۔

    ضلع پشین کے علاقے سارانان میں 1870 کلو گرام چرس برآمد کر لی گئی، پرانا چمن کے علاقے کچی آبادی میں 20 کلوگرام افیون برآمد کر لی گئی۔ پرانا پسنی روڈ، کوہ مراد، کیچ کے قریب جھاڑیوں میں چھپائی گئی 12 کلو ہیروئن برآمد کر لی گئی۔ اے این ایف کے مطابق ملک کے مختلف شہروں میں انسداد منشیات کی دیگر اہم کارروائیاں جاری رہیں۔

  • منڈی بہاءالدین میں 3 رمضان بازار، 9 چینی کے سیل پوائنٹ فعال

    منڈی بہاءالدین میں 3 رمضان بازار، 9 چینی کے سیل پوائنٹ فعال

    منڈی بہاءالدین ۔ ضلعی انتظامیہ روزہ داروں کو ریلیف فراہم کرنے کے لیے متحرک. ضلع بھر میں 3 رمضان سہولت بازار اور 9 چینی سیل پوائنٹس فعال. منڈی بہاءالدین، پھالیہ اور ملکوال میں رمضان سہولت بازار فعال

    منڈی بہاءالدین، پھالیہ اور ملکوال میں تین، تین چینی کے سیل پوائنٹس فعال. رمضان سہولت بازاروں میں آٹا ، چینی، چکن سمیت 16 اشیائے ضروریہ رعایتی نرخوں پر دستیاب. رمضان بازاروں اور سیل پوائنٹس کی مسلسل مانیٹرنگ کی جارہی ہے، ڈپٹی کمشنر ڈاکٹر فیصل سلیم

    رمضان کیلنڈر 2025

    پرائس کنٹرول مجسٹریٹس مارکیٹس کے دورے کر کے اشیائے خوردونوش کی قیمتوں کو کنٹرول کر رہے ہیں. ضلعی انتظامیہ شہریوں کو زیادہ سے زیادہ ریلیف کی فراہمی کے لیے کوشاں ہے۔ وزیر اعلی پنجاب مریم نواز شریف کی ہدایت پر قائم سستے رمضان سہولت بازاروں سے عوام کو ریلیف حاصل ہو رہا ہے۔ ڈپٹی کمشنر

    رمضان بازاروں میں شکایات کاونٹر، میڈیکل کیمپ، صفائی ستھرائی، سیکورٹی کے بہترین انتظامات کئے گئے ہیں۔رمضان سہولت بازاروں میں خریداروں کے لئے بیٹھنے کے انتظامات سمیت مرد و خواتین کے لیے الگ الگ کاونٹر بنانے گئے ہیں۔ ڈپٹی کمشنر ڈاکٹر فیصل سلیم

  • پنجاب میں 29 ڈی ایس پیز کے تقرر و تبادلوں کا نوٹیفکیشن جاری

    پنجاب میں 29 ڈی ایس پیز کے تقرر و تبادلوں کا نوٹیفکیشن جاری

    لاہور(کرائم رپورٹر)آئی جی پنجاب ڈاکٹر عثمان انور نے 29ڈی ایس پیز کے تقرروتبادلے کے احکامات جاری کیے ہیں۔ تفصیلات کے مطابق، مِس روبینہ عباس کو ڈی ایس پی انٹرنل اکاؤنٹبلیٹی برانچ ملتان ریجن، مِس شبینہ کریم کو ڈی ایس پی لائسننگ اینڈ ہیڈ کواٹرز سٹی ٹریفک پولیس ملتان،ریاض احمد شیخ کو ڈی ایس پی لیگل تھری سی پی او پنجاب لاہور، تعینات کر دیا گیا ہے.

    سیف اللہ کو ڈی ایس پی گارڈز لاہور،عبیداللہ کو ڈی ایس پی لیگل تھری فیصل آباد،غضنفر علی کو ایس ڈی پی او چناب نگر چنیوٹ، ضیاء اللہ خان کو ایس ڈی پی او دہلی گیٹ ملتان،ثناء اللہ کو ایس ڈی پی او پھالیہ منڈی بہاؤالدین،فاروق احمد خان کو ڈی ایس پی ٹو، بٹالین تھری پنجا ب کانسٹیبلری ملتان،عارف محمود خان کو ڈی ایس پی پنجاب ہائی وے پٹرول حافظ آباد،غضنفر عباس کو ڈی ایس پی لیگل ون پولیس ٹریننگ کالج ملتان تعینات کر دیا گیا.

    مدثر کلیم کو ڈی ایس پی لیگل چنیوٹ، محمد اکمل عمر کو ڈی ایس پی ڈی او سی ٹی ڈی ننکانہ صاحب، صداقت علی کو ڈی ایس پی تھری بٹالین 6، پنجاب کانسٹیبلری فاروق آباد،غلام جعفر کو ڈی ایس پی پنجاب ہائی وے پیٹرول مظفرگڑھ/ لیہ،محمد اقبال کو ڈی ایس پی انوسٹی گیشن ون گوجرانوالہ، محمد زبیر خان بنگش کو ڈی ایس پی تھری بٹالین تھری پنجاب کانسٹیبلری ملتان تعینات کر دیا گیا.

    محمد ریاض کو ڈی ایس پی آرگنائزڈ کرائم جہلم،صفدر محمود کو ڈی ایس پی انوسٹی گیشن ٹو ملتان،غلام شبیر خان کو ڈسٹرکٹ آفیسر سپیشل برانچ ننکانہ صاحب، محمد طارق ملک کو ایس ڈی پی او سٹی جھنگ،محمد ریاض کو ایس ڈی پی او چونیاں قصور،افتخار احمد اعوان کو ڈی ایس پی IX ایس پی یو پنجاب لاہور تعینات.

    ظہور احمد کو ایس ڈی پی او سٹی قصور،وسیم اختر کو ایس ڈی پی او پیپلز کالونی گوجرانوالہ،فیاض احمد کو ایس ڈی پی او دیپالپور اوکاڑہ،ناصر محمود خان کو ایس ڈی پی او ننکانہ صاحب، تقی عباس اختر کو ایس ڈی پی او ملکوال منڈی بہاؤالدین، کبیر احمد کوایس ڈی پی او حرم گیٹ ملتان تعینات کرنے کے احکامات جاری کیے ہیں۔

  • منڈی بہاؤالدین میں ڈی پی او کی 2 ہفتے تعیناتی کے دوران 2 خواتین سمیت 7 افراد جاں بحق

    منڈی بہاؤالدین میں ڈی پی او کی 2 ہفتے تعیناتی کے دوران 2 خواتین سمیت 7 افراد جاں بحق

    پنجاب: منڈی بہاوالدین میں DPO کی 2 ہفتوں کی تعیناتی کے دوران 2 خواتین سمیت 7 افراد قتل، 12 افراد شدید زخمی،

    منڈی بہاوالدین ( ظہیر سیال) ضلع میں قتل و اقدامِ قتل کے واقعات تھمنے کا نام نہیں لے رہے۔ نومبر کے پہلے دو ہفتوں میں دو خواتین سمیت سات افراد کو موت کے گھاٹ اتار دیا گیا، جبکہ دس افراد شدید زخمی ہوئے،

    ایس ایس پی وسیم ریاض خان نے ڈی پی او منڈی بہاؤالدین کے عہدے کا چارج سنبھال لیا

    قتل کی لرزہ خیز وارداتیں ضلع کے مختلف تھانوں کی حدود میں پیش آئیں، صدر سرکل میں 4 افراد کو گولیاں مار کر قتل کیا گیا،جبکہ پولیس سرکل ملکوال میں 2 خواتین سمیت 3 افراد کو موت کے گھاٹ اتار دیا گیا.

    ضلع میں حالیہ تعینات ہونے والے ایس ایس پی وسیم ریاض خان کے دوران بھی جرائم کی روک تھام ممکن نہ ہو سکی. قتل و اقدامِ قتل کی وارداتوں میں ملوث ملزمان کو گرفتار کرنے میں پولیس مکمل طور ناکام رہیں.

    قتل ہونے والوں میں22 سالہ علیزہ، 30 سالہ نامعلوم خاتون، 35سالہ امجد، 40 سالہ فیصل، 45 سالہ مختار، 25 سالہ غوث، اور 35 سالہ محمود شامل ہیں.جبکہ زخمیوں میں راشد، مہدی، احسان، رسول، قیصر، منیر، بلال، ثمر، سنبل اور ایک نامعلوم لڑکی شامل ہیں.

    قتل و اقدامِ قتل کے متعدد واقعات مختلف علاقوں میں مختلف وجوہات کی بنا پر پیش آئیں. ان واقعات پر مختلف تھانوں میں قتل (302) اور اقدامِ قتل (324) کے تحت مقدمات درج کیے گئے ہیں۔ قتل کے مقدمات میں 26 ملزمان (11 نامزد اور 15 نامعلوم) شامل کیے گئے، جبکہ اقدامِ قتل میں 60 ملزمان (24 نامزد اور 36 نامعلوم) شامل ہیں۔

    قتل اور اقدام قتل کی بڑھتی وارداتوں پر منڈی بہاوالدین پولیس کے ترجمان نے موقف دینے سے انکار کر دیا، جبکہ ڈی پی او منڈی بہاوالدین نے بھی کسی تبصرے سے گریزاں رہے.

    منڈی بہاوالدین کے شہری ضلع میں بڑھتے جرائم اور پولیس کی ناقص کارکردگی پر شدید تشویش کا شکار ہیں۔ عوام نے ارباب اختیار سے سے فوری اقدامات کی اپیل کی ہے تاکہ ضلع میں امن و امان قائم ہو سکے. اگر یہ ہی حالات ضلع کے رہے تو شہری ، علاقہ مکینوں کی زندگیوں کا تحفظ مشکل ہوتا جائے گا.

  • جماعت اسلامی منڈی بہاؤالدین کے زیر اہتمام فلسطینیوں سے اظہار یکجہتی کے لیے ریلی نکالی گئی

    جماعت اسلامی منڈی بہاؤالدین کے زیر اہتمام فلسطینیوں سے اظہار یکجہتی کے لیے ریلی نکالی گئی

    ملک کے دوسرے شہروں کی طرح منڈی بہاوالدین میں جماعت اسلامی کے زیر اہتمام فلسطینوں سے اظہار یکہجتی کے لیے مدنی مسجد سے بہت بڑی ریلی مرکزی رہنما جماعت اسلامی چوہدری محمد ریاض فاروق ساہی کی قیادت میں نکالی گئی جو شہر کے مختلف مقامات سے ہوتی ہوئی پریس کلب رجسٹرڈ کے سامنے پہنچ کر اختتام پذیر ہوئی

    منڈی بہاوالدین میں جماعت اسلامی کے مرکزی رہنما چوہدری محمد ریاض فاروق ساہی سیف اللہ ساہی رشید شاہد اور انعام خان لودھی ضلعی چیئرمین دیگر کی قیادت میں فلسطینیوں سے اظہار یکہجتی کے لیے مدنی مسجد سے غزہ القدوس ریلی نکالی گئی جو شہر کے مختلف مقامات سے ہوتی ہوئی پریس کلب رجسٹرڈ کے سامنے پہنچی۔

    ریلی میں نوجوان، بچوں اور تاجروں سمیت تمام مکتبہ فکر کے افراد کی کثیر تعداد نے شرکت کی۔ مقررین نے ریلی کے شرکاء سے خطاب کرتے ہوئے کہا کہ امت مسلمہ کو متحد ہو کر فلسطین کے مظلوم مسلمانوں کی آواز بلند کرنے کی ضرورت ہے اور تمام امت مسلمہ کو اسرائیل مصنوعات کا مکمل بائیکاٹ کرکے فلسطین سے اظہار یکہجتی کا اسرائیل اور امریکہ کو واضح پیغام دینا ہوگا۔

    مقررین نے حکمرانوں سے جہاد کے اعلان کا مطالبہ بھی کیا۔ ریلی کے شرکاء نے فلسطین سے اظہار یکہجتی اور اسرائیل امریکہ کے خلاف پینا فلیکس اور بینرز اور جھنڈے اٹھا رکھے تھے جن پر اسرائیل امریکہ کی دوغلی پالیسی پر شدید الفاظ میں مذمت کی گئی تھی۔ اس موقع پر ریلی کی سیکورٹی کے فول پروف انتظامات کیے گئے تھے۔

    ریلی احتجاجی مظاہرہ کی شکل اختیار کر گئی اور چاروں اطراف کے روڑ بلاک کر دیئے گئے۔ پولیس کے دستے چاق و چوبند کسی بھی ناخوشگوار واقعات سے نمٹنے کیلئے پریس کلب رجسٹرڈ کے باہر موجود ہیں

  • پولیس کی سہولت کے لیے منڈی بہاؤالدین میں پیٹرول پمپ لگانے کا فیصلہ

    پولیس کی سہولت کے لیے منڈی بہاؤالدین میں پیٹرول پمپ لگانے کا فیصلہ

    ملتان (نامہ نگار) پنجاب بھر میں 5 نئے پٹرول پمپس لگانے کا فیصلہ کیا گیا ہے۔ بتایا گیا ہے کہ پی ایس او نے لاہور میں مناواں، بیدیاں روڈ، گوجرانوالہ، منڈی بہاؤالدین اور حافظ آباد میں پولیس سائٹس کی تصدیق کر دی ہے۔

    پولیس حکام کے مطابق مختلف کمپنیوں نے دیگر اضلاع میں مزید 14 سائٹس کے لیے سفارشات دی ہیں۔ متعلقہ مقامات پر اراضی اور سول کام پولیس کرے گی۔ مشینری اور تزئین و آرائش کمپنیاں کریں گی۔

    اس سے قبل پنجاب پولیس کو 20 پٹرول پمپس سے فلاحی کاموں کے لیے 25 کروڑ سے زائد کی آمدنی ہو رہی ہے۔ نئے پمپس کے کھلنے سے ملازمین کی فلاح و بہبود کے لیے آمدنی میں 50 کروڑ روپے سے زائد کا اضافہ ہوگا۔

  • حلقہ پی پی 40، 41، 42، 43 کے ایم پی ایز نے اپنے عہدے کے حلف اٹھا لیا

    حلقہ پی پی 40، 41، 42، 43 کے ایم پی ایز نے اپنے عہدے کے حلف اٹھا لیا

    منڈی بہاءالدین کے حلقہ پی پی 41، 42، 42 اور 43 کے ایم پی ایز نے پنجاب اسمبلی میں اپنے اپنے عہدوں کو حلف اٹھا لیا.

    حلقہ پی پی 40 منڈی بہاؤالدین 1 سے منتخب آزاد امیدوار زرناب شیر نے اپنے عہدہ کا حلف اٹھا لیا۔ حلقہ پی پی 41 منڈی بہاؤالدین 2 سے منتخب آزاد امیدوار باسمہ ریاض چوہدری نے اپنے عہدہ کا حلف اٹھا لیا۔

    حلقہ پی پی 42 منڈی بہاؤالدین 3 سے منتخب پاکستان مسلم لیگ ن کے امیدوار خالد محمود رانجھا نے اپنے عہدہ کا حلف اٹھا لیا۔ حلقہ پی پی 43 منڈی بہاؤالدین 4 سے منتخب پاکستان مسلم لیگ ن کے امیدوار اختر عباس بوسال نے اپنے عہدہ کا حلف اٹھا لیا۔

  • حج 2024 کے حوالے سے منڈی بہاءالدین میں تربیتی سیمینار کا انعقاد

    حج 2024 کے حوالے سے منڈی بہاءالدین میں تربیتی سیمینار کا انعقاد

    منڈی بہاؤالدین میں وزارت مذہبی امور و بین المذاہب ہم آہنگی کے زیرِ انتظام مقامی میرج ہال میں حج 2024 کے حوالے سے ضلع منڈی بہاؤالدین کے عازمین حج کیلئے تربیتی سیمینار کا انعقاد کیا گیا جس میں ضلع بھر سے 400سے زائد عازمین حج نے شرکت کی.

    منڈی بہاءالدین ( ایم.بی.ڈین نیوز 17 فروری 2024) اس موقع پر ڈپٹی ڈائریکٹر وزارت مذہبی امور ڈاکٹر شاہدالرحمن مارتھ نے کہا کہ اس سال حکومت پاکستان نے حج 1 لاکھ سستا کر دیا ہے ،انھوں نے عازمین حج کوپاک حج ایپ، حاجیوں کو دوران حج درپیش مسائل مشکلات اور ان کا حل اور دیگر امور پر تربیت فراہم کی.

    حج 2024; سعودی عرب نے بڑا اعلان کر دیا

    جب کہ حج کوآرڈینیٹر حامد ڈار، ماسٹر ٹرینرز محمد اسحاق عطاری ،مفتی محمد احمد ،عدنان عطاری ، خاتون ماسٹر ٹرینر سلمی ناہید نے عازمین حج کو عمرہ و حج کے قواعد و ضوابط طریقہ کار اور دیگر مسائل کے حوالے سے آگاہی فراہم کی اور حجاج کرام کو ہدائیت کی کہ سعودی عرب میں اپنے قیام کے دوران تمام عازمین حج سعودی قوانین کی مکمل طور پر پابندی کریں اور ملکی وقار کا خاص خیال رکھیں.

    حجاج نے تربیتی پروگرام میں بڑی دلچسپی کا مظاہرہ کیا ، اس موقع پر عازمین حج کو آڈیوز اور ویڈیوز کی مدد سے بھی حج اور عمرہ کے حوالے سے تمام امور پر بڑی تفصیل سے بریفنگ دی گئی ، تربیتی ورکشاپ کے آخر میں عازمین حج کو تحائف پیش کئے گئے اور ان کے اعزاز میں پرتکلف ظہرانہ بھی دیا گیا –

  • بہترین پرفارمینس پر طلبا اور اساتذہ میں 3 لاکھ روپے کے چیکس تقسیم

    بہترین پرفارمینس پر طلبا اور اساتذہ میں 3 لاکھ روپے کے چیکس تقسیم

    وزیر اعلیٰ پنجاب، چیف سیکرٹری پنجاب اور کمشنر گوجرانوالہ کی ہدایت پرڈپٹی کمشنر /ایڈمنسٹریٹر ڈسٹرکٹ ایجوکیشن اتھارٹی شاہد عمران مارتھ نے گورنمنٹ سپیشل ایجوکیشن سنٹر منڈی بہاوالدین، پھالیہ، ملکوال اور گورنمنٹ انسٹیٹیوٹ فار سلو لرنر منڈی بہاوالدین کے سٹوڈنٹس اور اساتذہ میں ایک ایک لاکھ روپے کے چیکس تقسیم کر دئیے۔ مجموعی طور پر 3 لاکھ روپے تقسیم کئے گئے۔

    منڈی بہاوالدین (ایم.بی.ڈین نیوز 16 فروری 2024 ) یاد رہے کہ معزور افراد کے عالمی دن کے موقع پر سپیشل سٹوڈنٹس اور ان کے اساتذہ نے بہترین پرفارمنس پیش کی تھی، جس کو حاضرین نے بہت پسند کیا تھا، جس پر ڈپٹی کمشنر شاہد عمران مارتھ نے سپیشل بچوں اور ان کے اساتذہ کیلئے نقد انعام کا اعلان کیا تھا. اسی حوالے سے ایک تقریب ڈی سی آفس میں منعقد ہوئی۔

    اس موقع پر ایڈیشنل ڈپٹی کمشنر فنانس حافظ غلام مرتضیٰ، ڈپٹی ڈائریکٹر بجٹ اینڈ اکاونٹس فیصل گوندل، پرنسپل ایجوکیشن سنٹر عذراپروین سمیت دیگر متعلقہ افسران بھی موجود تھے۔ ڈپٹی کمشنر شاہد عمران مارتھ کا کہنا تھا کہ پنجاب حکومت سپیشل طالب علموں کو معاشرے کا مفید اور کارآمد شہری بنانے کیلئے ان کو صلاحیتوں کے اعتبار سے تربیت اور بنیادی سہولیات کی فراہمی کے ساتھ ساتھ ان کی مالی امداد کیلئے تمام وسائل بروئے کار لا رہی ہے۔

    امید ہے کہ حکومت کی جانب سے گورنمنٹ سپیشل ایجوکیشن سنٹرز اور گورنمنٹ انسٹیٹیوٹ فار سلولرنرکے اساتذہ اور بچوں کیلئے کی گئی حوصلہ افزائی مفید اورمعاون ثابت ہوگی۔ ڈپٹی کمشنر کا کہنا تھا کہ حکومت اور ضلعی انتظامیہ کا پختہ عزم ہے کہ معاشرے کے کمزور طبقات اور معذوری کے شکار افراد کی بہتری اور بحالی کیلئے تمام ممکنہ اقدامات اٹھائے جائیں گے۔

  • کسان کی بیٹی نے سیرت النبی مقابلے میں 4 لاکھ روپے جیت لئے

    کسان کی بیٹی نے سیرت النبی مقابلے میں 4 لاکھ روپے جیت لئے

    منڈی بہاؤالدین کی ہونہار بیٹی کا اعزاز.کسان کی بیٹی نے سیرت النبی کے مقابلے میں دوسری پوزیشن حاصل کر کے 4 لاکھ روپے حاصل کر لئے.

    ممتاز مقررین کی ایک صف نے مسلمانوں کے لیے حضرت محمد صلی اللہ علیہ وسلم کی زندگی اور تعلیمات پر عمل پیرا ہونے کی بنیادی اہمیت پر زور دیا۔ نہ صرف کردار سازی کے لیے بلکہ دنیا اور آخرت میں حتمی کامیابی کے لیے۔ انہوں نے یہ بات بدھ کے روز الحمرا میں پہلی قسم کے “سیرت النبی مقابلہ” کے فاتحین کے لیے منعقد کی گئی ایک سادہ لیکن پر اثر تقریب میں کہی۔

    لاہور کے سترہ سالہ محمد اسماعیل نے 20 لاکھ روپے کا عظیم الشان انعام جیتا، منڈی بہاؤالدین کے کسان کی بیٹی اقراء ریاض نے 400,000 روپے کا دوسرا اور سیالکوٹ کی ایمان نے 250,000 روپے کا تیسرا انعام جیتا. ٹاپ 12 جیتنے والوں کو مدینہ سے لائے گئے خصوصی تحائف بھی دیے گئے۔

    ملک کے تمام حصوں سے استقبال کرنے والے، شرکاء اور فاتحین دو ماہ کے عرصے میں بصیرت انگیز کتاب پر مبنی زبانی اور کوئز مقابلوں کے ذریعے سخت اسکریننگ کے بعد فاتح بن کر سامنے آئے۔ تقریب کے مہمان خصوصی گورنر پنجاب محمد گل الرحمان نے خطاب کرتے ہوئے کہا کہ سیرت نبوی صلی اللہ علیہ وسلم پر عمل پیرا ہو کر انسان دنیاوی اور ابدی دونوں کاموں میں کامیابی حاصل کر سکتا ہے۔

    انہوں نے سیرت النبی کو عوام میں پھیلانے کے لیے رائے منظور کی بے لوث کوششوں کو سراہا۔ سابق گورنر پنجاب چوہدری محمد سرور نے کہا کہ رائے منظور کی کتاب سیرت النبی صلی اللہ علیہ وسلم زندگیوں کو رسول اللہ صلی اللہ علیہ وسلم کے اعلیٰ اصولوں سے ہم آہنگ کرنے کا ایک قیمتی ذریعہ ہے، جو شخصی اور روحانی ترقی کا روڈ میپ پیش کرتی ہے۔

    معروف مذہبی اسکالر نذیر غازی نے اس کتاب کی تخلیق پر رائے منظور ناصر کی کاوشوں کو سراہتے ہوئے کہا کہ اس کتاب میں نبی اکرم صلی اللہ علیہ وسلم کی تعلیمات کو اس انداز میں پیش کیا گیا ہے جو عام قاری کے لیے آسانی سے قابل فہم ہو۔ سینئر صحافی مجیب الرحمان شامی نے اظہار خیال کرتے ہوئے کہا کہ نبی اکرم صلی اللہ علیہ وسلم کی زندگی عاجزی، تقویٰ اور اللہ کے لیے عقیدت کی لازوال مثال ہے، جس نے دنیا بھر کے لاکھوں لوگوں کو نیکی اور ہمدردی کے لیے جدوجہد کرنے کی ترغیب دی۔

    معروف کالم نگار اور اسکالر حسن نثار نے کہا کہ کتاب سیرت النبی صلی اللہ علیہ وسلم زندگیوں کو رسول اللہ صلی اللہ علیہ وسلم کے اعلیٰ اصولوں سے ہم آہنگ کرنے کا ایک قیمتی وسیلہ ہے، جو شخصی اور روحانی ترقی کے روڈ میپ کے طور پر اس کی اہمیت کو واضح کرتی ہے۔

    سینئر کالم نگار توفیق بٹ نے کتاب کے سادہ لیکن گہرے بیانات کی تبدیلی کی صلاحیت کو سراہتے ہوئے کہا کہ نبی اکرم صلی اللہ علیہ وسلم کی زندگی اور تعلیمات کو اپنانا ذاتی اور اجتماعی روشن خیالی کے لیے اہم ہے۔ انہوں نے مسلمانوں میں کردار سازی کو فروغ دینے میں کتاب کے کردار پر زور دیا اور انہیں آنے والی نسلوں کے لیے مثالی شخصیت قرار دیا۔

    رائے منظور ناصر نے مفت پی ڈی ایف کی تقسیم کے ذریعے دنیا بھر میں پھیلاؤ کو یقینی بناتے ہوئے کتاب کی عالمی رسائی پر زور دیا۔ انہوں نے آڈیو فارمیٹ کی دستیابی کے ساتھ ساتھ کتاب کے آئندہ انگریزی اور فرانسیسی ورژن کا بھی اعلان کیا۔

    مزید برآں، انہوں نے کہا، اس سال پاکستان کے بڑے شہروں میں اسی طرح کے مقابلوں کی میزبانی کرنے کے منصوبے جاری ہیں، مستقبل میں مسلم ممالک میں بھی اس کی نقل کی جائے گی۔ منصوبے کے مجموعی اخراجات 20 ملین روپے تھے، جس میں 10 ملین روپے کی کتابوں کی مفت تقسیم اور 4 ملین روپے کی انتظامی لاگت شامل ہے۔

    مزید برآں، مقابلے کے 100 سرفہرست فاتحین کو 50 لاکھ روپے دیے گئے، جبکہ 100 شرکاء کو حوصلہ افزائی کے لیے 10 لاکھ روپے دیے گئے۔ اس موقع پر ممتاز مذہبی سکالرز، اعلیٰ درجے کے بیوروکریٹس، عدلیہ کے ارکان، میڈیا شخصیات، شوبز شخصیات اور معروف کاروباری شخصیات نے شرکت کی۔