گجرات یونیورسٹی سب کیمپس منڈی بہاؤالدین میں تین روزہ سپورٹس گالا 2024 کے مقابلوں کا انعقاد کیا گیا۔ افتتاح ڈائریکٹر کیمپس پروفیسر ساجد اقبال احمد تارڑ نے ہیڈ آف ڈیپارٹمنٹس اور فیکلٹی ممبران کے ہمراہ کیا۔
منڈی بہاؤالدین (نامہ نگار) گیمز کا مقصد طلباء میں تعلیم کے ساتھ ساتھ کھیلوں اور ہم نصابی سرگرمیوں کو فروغ دینا تھا جس میں طلباء نے بڑھ چڑھ کر حصہ لیا۔
سپورٹس کوآرڈینیٹر ابوبکر ہاشمی کی زیر نگرانی ان شاندار مقابلوں میں طلباء نے کرکٹ، فٹ بال، بیڈمنٹن، ٹیبل ٹینس، ٹگ آف وار اور دیگر کھیلوں کے مقابلوں میں اپنی صلاحیتوں کا لوہا منوایا۔
