لاہور: اپنے گانوں ‘بتیاں بجائی رکھدی’ اور ‘چن میرے مکھناں’ سے شہرت پانے والی لیجنڈ پاکستانی گلوکارہ شازیہ منظور نے لائیو شو کے دوران کامیڈین شیری ننھا کو جگت مارنے پر تشدد کا نشانہ بنا ڈالا۔
حال ہی میں شازیہ منظور نے اداکار و میزبان محسن عباس حیدر کے کامیڈی شو میں شرکت کی جہاں گلوکارہ نے کامیڈین شیری ننہا کو ان کے ساتھ نامناسب بات کرنے پر تھپڑ مار دیا۔
شازیہ منظور نے کامیڈین کو تھپڑ رسید کرتے ہوئے کہا کہ پچھلی بار بھی میں نے ان کی نامناسب زندگی کو مذاق کے طور پر عوام کے سامنے پیش کیا تھا تاہم اس بار میں سنجیدہ ہوں۔ تم ٌواتین سے کیسے بات کر سکتے ہو؟ گلوکارہ نے کامیڈین کو تشدد کا نشانہ بناتے ہوئے کہا کہ آپ میرے ساتھ ‘ہنی مون’ کی بات کر رہے ہیں۔ کیا آپ عورتوں سے اس طرح بات کرتے ہیں؟ کیا تمہیں شرم نہیں آتی؟
شازیہ منظور کا غصہ دیکھ کر میزبان محسن عباس حیدر نے کامیڈین شیری سے کہا کہ آپ اپنے کیوں جگتیں مارتے ہو؟آپ کو کتنی بار کہا گیا ہے کہ صرف وہی کہو جو اسکرپٹ میں لکھا ہے.محسن عباس حیدر کی بات سن کر کامیڈین شیری رو پڑا اور کہا کہ گلوکارہ غصے میں ہیں۔ وہ جانتے ہیں کہ میں ایک فنکار ہوں۔ اب بھی ایسے ہی غصے میں ہیں۔
شو کے میزبان اور دیگر مزاح نگاروں نے گلوکارہ شازیہ منظور کو بھی سمجھانے کی کوشش کی لیکن ان کا غصہ ٹھنڈا نہ ہوا۔شازیہ منظور کے اس رویے پر سوشل میڈیا صارفین ملے جلے تبصرے کر رہے ہیں۔ کچھ صارفین کا کہنا تھا کہ گلوکارہ نے ٹھیک کیا جب کہ کچھ صارفین کا کہنا تھا کہ انہیں کامیڈین شیری ننہا کی عزت کرنی چاہیے تھی۔
