عالمی منڈی میں پیٹرول کی قیمت میں کمی کے بعد پاکستان پر بھی اس کے اثرات مرتب ہونے کا قوی امکان ہے۔ جس کے نتیجے میں یکم اگست سے پاکستان بھر میں پیٹرولیم مصنوعات کی قیمتوں میں کمی ہوسکتی ہے۔
میڈیا رپورٹس کے مطابق پیٹرول کی قیمت میں 3 روپے فی لیٹر جبکہ ڈیزل کی قیمت میں 8 روپے 50 پیسے فی لیٹر کمی کا امکان ہے۔ جبکہ مٹی کے تیل کی قیمت میں 9 روپے 11 پیسے فی لیٹر کمی کا امکان ہے۔
پاکستان میں پٹرول کی تازہ ترین قیمت
ایسے وقت میں جب گزشتہ ماہ پٹرول اور ڈیزل کی قیمتوں میں دو بار اضافہ دیکھا گیا تھا۔ اس بار امید کی جا رہی ہے کہ عالمی منڈی میں پٹرول کی قیمت میں کمی کا اثر پاکستان پر بھی پڑے گا۔ جس کے نتیجے میں پیٹرولیم مصنوعات کی قیمتیں کم ہوں گی۔
اوگرا کی جانب سے اس حوالے سے حتمی سفارشات حکومت کو پیش کی جائیں گی جس کے بعد وزیر اعظم کی ہدایت پر وزارت خزانہ پیٹرولیم مصنوعات کی نئی قیمتوں کا اعلان 31 جولائی کو کرے گی۔
