اٹلی کے فرسٹ سیکرٹری آگسٹو پالمیری نے چیمبر آف کامرس سے خطاب کرتے ہوئے خوشخبری سنائی کہ لاہور سے ویزا سروس شروع کی جا رہی ہے اور جلد ہی ملک کے دیگر شہروں میں بھی ویزا سروس شروع کر دی جائے گی۔
آگسٹو پالمیری نے پاکستان اور اٹلی کے درمیان کاروبار اور تعلقات کو فروغ دینے پر زور دیا۔ فرسٹ سیکرٹری نے کہا کہ دونوں ممالک کے درمیان تجارت بڑھانے کے بے شمار مواقع ہیں اور ان کی خواہش ہے کہ دونوں ممالک کے درمیان تجارت 5 ارب ڈالر تک پہنچ جائے۔
آسٹریلیا نے نئی امیگریشن پالیسی کا اعلان کر دیا، طلباء کے لیے ویزا قوانین مزید سخت
اس موقع پر لاہور چیمبر آف کامرس کے صدر کاشف انور، سینئر نائب صدر ظفر محمود چوہدری اور ایگزیکٹو ممبر چوہدری خادم بھی موجود تھے۔ لاہور چیمبر کے صدر کاشف انور نے 2018 میں اٹلی کے سفارت خانے کے ساتھ مفاہمت کی یادداشت کی تجدید میں چیمبر کی دلچسپی کا اظہار کیا۔