محکمہ ماہی پروری پنجاب نے صوبے کے تمام دریاؤں سے 10 سال کیلئے مچھلی پکڑنے پر پابندی عائد کر دی۔
حکام نے محکمہ ماہی پروری پنجاب نے آبی ذخائر کو آئندہ 10 سال کے لیے ’’آبی پناہ گاہ‘‘ قرار دیتے ہوئے معدوم ہوتی مچھلیوں کی نسل کے پیش نظر پابندی عائد کی ہے۔ اعلامیے کے مطابق محکمہ ماہی پروری سے فیس دیکر مخصوص اضلاع کےلیے پرمٹ لینا ہوگا۔
جس کے بعد کنڈی کے ذریعے 8 کلو وزن تک کی یومیہ 5 مچھلیاں پکڑنے کی اجازت ہوگی۔ حکام کے مطابق کمرشل بنیادوں پر مچھلی پکڑنے پر پابندی لگائی گئی ہے اور اس سلسلے میں کروڑوں روپے مالیت سے زائد کے تمام ٹھیکے منسوخ کیے گئے۔
