مسلح شخص کا شہر کی سڑکوں پرگشت،شہریوں میں خوف و ہراس پھیل گیا

منڈی بہاؤالدین کی سڑک پر ایک شخص اسلحہ لے کر نکلا، جس کی فوٹیج سوشل میڈیا پر وائرل ہوئی، پولیس حرکت میں آگئی اور اسے گرفتار کرلیا۔

پولیس کا کہنا ہے کہ منڈی بہاؤالدین چیمہ چوک کے قریب ایک شخص اسلحہ لے کر سڑک پر نکل آیا۔ شخس منڈی بہاؤالدین کی سڑکوں پر شور شرابے اور فائرنگ کر کے شہریوں کو ڈراتا رہا۔ شہری اپنی جان بچانے کے لیے بھاگے جب کہ فائرنگ سے علاقے میں خوف وہراس پھیل گیا۔

ملزم کی مشکوک سرگرمیوں کی ویڈیو بھی منظر عام پر آئی ہے جس میں اس شخص کو سڑکوں اور گلیوں میں ہتھیار لہراتے ہوئے دیکھا جا سکتا ہے۔ پولیس کا کہنا ہے کہ مقدمہ درج کر کے تفتیش شروع کر دی گئی ہے۔

پولیس کا کہنا ہے کہ ویڈیو سوشل میڈیا پر وائرل ہوئی ہے، ملزم نے نجی کمپنی کے سیکیورٹی گارڈ کی وردی پہن رکھی تھی۔ فائرنگ کی آواز سن کر تھانہ سٹی پولیس فوری طور پر موقع پر پہنچ گئی اور ملزم کو اسلحہ سمیت گرفتار کر لیا۔