محکمہ موسمیات نے شدید گرمی کی لہر کے بعد بارشوں کی پیشگوئی کی ہے۔ آج سے ملک کے بالائی علاقوں میں بارشوں کا نظام آنے کا امکان ہے۔
محکمہ موسمیات کے مطابق آج 16 جون تک مختلف علاقوں میں تیز ہواؤں کے ساتھ بارش کا امکان ہے، آج سے مغربی ہوائیں بالائی علاقوں میں داخل ہونے کا امکان ہے۔
رپورٹ کے مطابق اسلام آباد، راولپنڈی، اٹک، چکوال، جہلم، میانوالی، سرگودھا میں بارش کا امکان ہے۔ حافظ آباد، منڈی بہاؤالدین، گوجرانوالہ، گجرات، سیالکوٹ میں بھی ابر آلود موسم رہے گا۔
لاہور، فیصل آباد، جھنگ، ٹوبہ ٹیک سنگھ میں بھی وقفے وقفے سے بارش کا امکان ہے۔ بالائی سندھ کے تمام اضلاع میں گرج چمک کے ساتھ بارش کا امکان ہے۔
