مسافر ٹرین کے کرایوں میں 5 فیصد اضافہ

پاکستان ریلوے نے پیٹرولیم مصنوعات کی قیمتوں میں اضافے کے باعث مسافر ٹرینوں کے کرایوں میں 5 فیصد اضافہ کردیا ہے۔

پاکستان ریلوے نے پیٹرولیم مصنوعات کی قیمتوں میں اضافے کے باعث مسافر ٹرینوں کے کرایوں میں اضافہ کردیا ہے۔ کرایوں میں 5 فیصد اضافہ کیا گیا ہے جس کا نوٹیفکیشن بھی جاری کر دیا گیا ہے۔ نوٹیفکیشن کے مطابق مسافر ٹرین کے کرایوں میں اضافے کا اطلاق 5 فروری (بدھ) سے ہوگا۔

پٹرول کی تازہ ترین قیمتیں جانئیے

نوٹیفکیشن میں کہا گیا ہے کہ ٹرین کی تمام کلاسز کے کرایوں میں 5 فیصد اضافہ کیا گیا ہے۔ کرایوں میں اضافے کا اطلاق سیلون سروس پر بھی ہوگا۔ مسافر ٹرین کے کرایوں میں اضافہ تمام آؤٹ سورس ٹرینوں پر بھی لاگو ہوگا۔