گرمی کے ستائے لوگوں کے لیے اب ایک نئی خبر آگئی ہے۔ جہاں پی ڈی ایم اے نے طوفانی بارشوں کا الرٹ جاری کر دیا ہے۔
پی ڈی ایم اے کے ترجمان نے صوبے کے بیشتر اضلاع میں مون سون بارشوں کی پیشگوئی کی ہے۔ صوبے بھر میں 7 جولائی تک مون سون بارشوں کا امکان ہے۔سیالکوٹ، نارووال، شکر گڑھ، لاہور، گوجرانوالہ، گجرات، منڈی بہاؤالدین میں موسلادھار بارش کا امکان ہے۔
دریائے چناب میں سیلاب کا خطرہ، ملحقہ اضلاع کو وارننگ جاری
ترجمان کا کہنا ہے کہ راولپنڈی، اٹک، جہلم، چکوال، مری اور گلیات میں تیز ہواؤں اور گرج چمک کے ساتھ بارش کا امکان ہے۔ترجمان کا کہنا ہے کہ پنجاب کے دریاؤں میں پانی کا بہاؤ معمول پر ہے۔ دریائے چناب، راوی، جہلم اور ستلج میں پانی کا بہاؤ معمول کی سطح پر ہے۔ دریائے چناب پر مرالہ کے مقام پر درمیانے درجے سے اونچے درجے کے سیلاب کی وارننگ جاری ہے۔
ڈی جی پی ڈی ایم اے عرفان علی کاٹھیا نے متعلقہ اداروں کو الرٹ رہنے کی ہدایات جاری کیں۔ ڈی جی پی ڈی ایم اے کا کہنا ہے کہ شہری دریاؤں اور ندی نالوں کو غیر ضروری عبور کرنے سے گریز کریں۔ بجلی کی تاروں اور کھمبوں سے دور رہیں۔
