سابق سیکرٹری پنجاب اسمبلی محمد خان بھٹی کو نوکری سے معطل کر دیا گیا

سابق سیکرٹری پنجاب اسمبلی محمد خان بھٹی کو ملازمت سے معطل کر دیا گیا۔ کرپشن کیسز میں ملوث ہونے پر معطلی کا نوٹیفکیشن جاری کر دیا گیا جب کہ سپیکر پنجاب اسمبلی کے حکم پر معطلی کے احکامات جاری کیے گئے۔

دوسری جانب رائے ممتاز اور رائے بخشی خان کو بھی ملازمتوں سے معطل کردیا گیا، محمد خان بھٹی اور رائے ممتاز بھٹی سے ملازمین کی خدمات بھی واپس لے لی گئیں۔

ڈی جی اینٹی کرپشن کو محمد خان بھٹی کیخلاف مقدمہ درج کرنے سے روک دیا گیا

واضح رہے کہ محمد خان بھٹی سابق وزیر اعلیٰ پنجاب پرویز الٰہی کے پرنسپل سیکرٹری بھی رہ چکے ہیں، انہیں ترقیاتی سکیموں میں کک بیکس وصول کرنے کے الزامات سمیت مختلف مقدمات میں حراست میں بھی لیا گیا تھا۔