ڈپٹی کمشنر شاہد عمران مارتھ کی زیر صدارت بے نظیر انکم سپورٹ پروگرام سنٹرز پر سہولیات کی فراہمی بارے اجلاس ڈی سی آفس میں منعقد ہوا۔ اجلاس میں بے نظیر انکم سپورٹ پروگرام کی تیاریوں اور انتظامات کے حوالے سے تفصیلی جائزہ لیا گیا۔
منڈی بہاوالدین ( ایم.بی.ڈین نیوز 15مئی 2024) اجلاس میں بتایا گیا کہ بے نظیر انکم سپورٹ پروگرام 17 مئی 2024 سے شروع ہو رہا ہے جس کی تیاریاں تکمیل کے آخری مراحل میں ہیں۔ ڈپٹی کمشنر شاہد عمران مارتھ کا کہنا تھا کہ بینظیر انکم سپورٹ پروگرام کے مستحقین کو رقوم کی ادائیگیوں کے دوران تمام تر سہولیات فراہم کی جائیں۔
بینیفشریز کو سنٹرز پرسایہ دار جگہ، جنریٹر، پنکھوں کی سہولت، ٹھنڈے پانی کی دستیابی سمیت دیگر تمام تر ضروریات فراہم کی جائیں۔ اسٹنٹ کمشنرز اپنی اپنی تحصیل کے فوکل پرسن ہونگے۔
