ہم جب یہاں آئے تو پہلے سے ہی آگ لگی ہوئی تھی، مقامی شخص نے بتایا سانپوں کو مارنے کیلئے آگ لگائی، ٹک ٹاکر ڈولی کا دعویٰ
اسلام آباد ( تازہ ترین ۔18 مئی 2022ء) ٹک ٹاکر ڈولی نے مارگلہ کی پہاڑیوں پر آگ لگانے کے الزام پر وضاحت کر دی۔ سمی رابطوں کی ویب سائٹ انسٹاگرام پر جاری ویڈیو میں ٹک ٹاکر ڈولی نے ایک ویڈیو پوسٹ کی اور دعویٰ کیا کہ یہ مقام نیشنل پارک نہیں ہے بلکہ موٹروے کے قریب کا ایک علاقہ ہے
یہ بھی پڑھیں: ٹک ٹاکر نے ویڈیو کی خاطر مارگلہ کو آگ لگادی، ویڈیو وائرل
ہم جب یہاں آئے تو پہلے سے ہی آگ لگی ہوئی تھی۔ ٹاکر نے اپنی ویڈیو میں ایک مقامی شخص سے بھی بات کی جس نے بتایا کہ سانپوں کو مارنے کیلئے آگ لگائی، جس پر ٹک ٹاکر ڈولی نے اپنے ساتھی کو کہا کہ یہاں سانپ نکل آتے ہیں اس لیے یہاں سے فوری نکلو۔ انہوں نے اپنے انسٹاگرام پوسٹ میں مزید کہا کہ انہیں انصاف کی توقع ہے
View this post on Instagram
دوسری جانب جنگ اخبار کی رپورٹر کے مطابق ٹک ٹاکر ڈولی کو گرفتار کرنے اسلام آباد پولیس کی ٹیم لاہور روانہ ہو گئی۔ اسلام آباد پولیس نے بتایا کہ خاتون ٹک ٹاکر کے 3 ساتھیوں کو اسلام آباد سے حراست میں لے لیا گیا جن ایڈیٹر اور کیمرہ مین شامل ہیں۔
ڈولی نامی ٹک ٹاکر کے خلاف تھانہ کوہسار میں سی ڈی اے کی مدعیت میں مقدمہ درج کیا گیا۔مقدمہ تھانہ کوہسار میں اسسٹنٹ ڈائریکٹر شعبہ ماحولیات سی ڈی اے کی مدعیت میں درج کیا گیا ۔ مقدمے کے متن میں کہا گیا ہے کہ سوشل میڈیا پر ڈولی نامی ٹک ٹاکر کی ویڈیو گردش کررہی ہے ، جس میں خاتون جنگل میں آگ لگا کر ویڈیو شوٹ کروارہی ہے ، مبینہ طور پر مارگلہ ہلز نیشنل پارک کا علاقہ ہے جہاں آتشزدگی کے متعدد واقعات ہوئے اور آگ سے چرند پرند پودوں اور درختوں وسیع پیمانے پر نقصان پہنچا ۔
گزشتہ روز انکشاف ہوا تھا کہ مارگلہ کے جنگلات میں آگ لگانے میں ٹک ٹاکرز کا ہاتھ ہے ، اس حوالے سے 2 نوجوانوں کی ویڈیو سامنے آئی جس میں ٹک ٹاکرز کو لائیٹر سے آگ لگاتے دیکھا جا سکتا ہے جب کہ ایک اور ویڈیو میں معروف خاتون ٹک ٹاکر بھی مارگلہ پہاڑیوں پر آگ کے دوران ٹک ٹاک بناتی نظر آ رہی ہیں۔
سوشل میڈیا پر ویڈیوز سامنے آنے کے بعد صارفین کی جانب سے سخت ردِعمل کا مظاہرہ کیا گیا اور متعلقہ حکام سے مذکورہ ٹک ٹاکرز کے خلاف کارروائی کرنے کی درخواست کی گئی ، صارفین نے ٹک ٹاکرز کو سزا دینے کا بھی مطالبہ کیا تاکہ آئندہ اس طرح کے واقعات دوبارہ نہ ہوں
Where are authorities by the way @CDAthecapital @dcislamabad https://t.co/teXXnVS67i
— Asma Shirazi (@asmashirazi) May 17, 2022
اس سے قبل ایبٹ آباد میں محکمہ جنگلات و وائلڈ لائف ایبٹ آباد ریجن نے ٹک ٹاک ویڈیو بنانے کی خاطر جنگل کو آگ لگانے والے نوجوان کو گرفتار کیا تھا ، اس حوالے سے بتایا گیا کہ ایبٹ آباد میں نوجوان نے ٹک ٹاک ویڈیو بنانے کی خاطر جنگل کو ہی آگ لگا دی ، نوجوان قیمتی درخت کو آگ لگا کر ویڈیو بناتا رہا۔
ایبٹ آباد وائلڈ لائف ڈویژن کے سٹاف نے جنگل میں آگ لگا کر ٹک ٹاک/ویڈیو بنانے والے ملزم کو گرفتار کر لیا۔ pic.twitter.com/xoFfeEN5L0
— Wildlife Department KP (@WildlifeKPGovt) May 6, 2022
اور جب مذکورہ ویڈیو منظر عام پر آئی تو محکمہ جنگلات و وائلڈ لائف حرکت میں آیا اور کئی گھنٹوں کی محنت کے بعد انتظامیہ نے نوجوان کو گرفتار کر لیا ، محکمہ جنگلات و وائلڈ لائف کے حکام کے مطابق ملزم کے خلاف قانون کے مطابق کارروائی کے لیے مقدمہ درج کر لیا گیا ، سوشل میڈیا صارفین کی جانب سے نوجوان کی اس حرکت پر سخت برہمی کا اظہار کیا گیا۔
Forest 🔥🔥r neither a joke, nor material for social media posts
these take a heavy toll on men & material of @FEWDKPGovt , @KPRescue1122 , District Admin & private citizens/local or the area including casualties
Gentleman has been traced & will b investigated#conservation 🌲🌳 pic.twitter.com/tyRAJV0eQ6— Abid Majeed (@AbidMajeed1969) May 5, 2022
