Mbdin News منڈی بہاؤالدین نیوز

Tag: Tiktoker Dolly

  • یہ مقام نیشنل پارک نہیں ہے بلکہ موٹروے کے قریب کا ایک علاقہ ہے

    یہ مقام نیشنل پارک نہیں ہے بلکہ موٹروے کے قریب کا ایک علاقہ ہے

    ہم جب یہاں آئے تو پہلے سے ہی آگ لگی ہوئی تھی، مقامی شخص نے بتایا سانپوں کو مارنے کیلئے آگ لگائی، ٹک ٹاکر ڈولی کا دعویٰ

    اسلام آباد ( تازہ ترین ۔18 مئی 2022ء) ٹک ٹاکر ڈولی نے مارگلہ کی پہاڑیوں پر آگ لگانے کے الزام پر وضاحت کر دی۔ سمی رابطوں کی ویب سائٹ انسٹاگرام پر جاری ویڈیو میں ٹک ٹاکر ڈولی نے ایک ویڈیو پوسٹ کی اور دعویٰ کیا کہ یہ مقام نیشنل پارک نہیں ہے بلکہ موٹروے کے قریب کا ایک علاقہ ہے

    یہ بھی پڑھیں: ٹک ٹاکر نے ویڈیو کی خاطر مارگلہ کو آگ لگادی، ویڈیو وائرل

    ہم جب یہاں آئے تو پہلے سے ہی آگ لگی ہوئی تھی۔ ٹاکر نے اپنی ویڈیو میں ایک مقامی شخص سے بھی بات کی جس نے بتایا کہ سانپوں کو مارنے کیلئے آگ لگائی، جس پر ٹک ٹاکر ڈولی نے اپنے ساتھی کو کہا کہ یہاں سانپ نکل آتے ہیں اس لیے یہاں سے فوری نکلو۔ انہوں نے اپنے انسٹاگرام پوسٹ میں مزید کہا کہ انہیں انصاف کی توقع ہے

     

    View this post on Instagram

     

    A post shared by Dolly. 👸🏼 (@dollyofficial1)

    دوسری جانب جنگ اخبار کی رپورٹر کے مطابق ٹک ٹاکر ڈولی کو گرفتار کرنے اسلام آباد پولیس کی ٹیم لاہور روانہ ہو گئی۔ اسلام آباد پولیس نے بتایا کہ خاتون ٹک ٹاکر کے 3 ساتھیوں کو اسلام آباد سے حراست میں لے لیا گیا جن ایڈیٹر اور کیمرہ مین شامل ہیں۔

    ڈولی نامی ٹک ٹاکر کے خلاف تھانہ کوہسار میں سی ڈی اے کی مدعیت میں مقدمہ درج کیا گیا۔مقدمہ تھانہ کوہسار میں اسسٹنٹ ڈائریکٹر شعبہ ماحولیات سی ڈی اے کی مدعیت میں درج کیا گیا ۔ مقدمے کے متن میں کہا گیا ہے کہ سوشل میڈیا پر ڈولی نامی ٹک ٹاکر کی ویڈیو گردش کررہی ہے ، جس میں خاتون جنگل میں آگ لگا کر ویڈیو شوٹ کروارہی ہے ، مبینہ طور پر مارگلہ ہلز نیشنل پارک کا علاقہ ہے جہاں آتشزدگی کے متعدد واقعات ہوئے اور آگ سے چرند پرند پودوں اور درختوں وسیع پیمانے پر نقصان پہنچا ۔

    گزشتہ روز انکشاف ہوا تھا کہ مارگلہ کے جنگلات میں آگ لگانے میں ٹک ٹاکرز کا ہاتھ ہے ، اس حوالے سے 2 نوجوانوں کی ویڈیو سامنے آئی جس میں ٹک ٹاکرز کو لائیٹر سے آگ لگاتے دیکھا جا سکتا ہے جب کہ ایک اور ویڈیو میں معروف خاتون ٹک ٹاکر بھی مارگلہ پہاڑیوں پر آگ کے دوران ٹک ٹاک بناتی نظر آ رہی ہیں۔

    سوشل میڈیا پر ویڈیوز سامنے آنے کے بعد صارفین کی جانب سے سخت ردِعمل کا مظاہرہ کیا گیا اور متعلقہ حکام سے مذکورہ ٹک ٹاکرز کے خلاف کارروائی کرنے کی درخواست کی گئی ، صارفین نے ٹک ٹاکرز کو سزا دینے کا بھی مطالبہ کیا تاکہ آئندہ اس طرح کے واقعات دوبارہ نہ ہوں

    اس سے قبل ایبٹ آباد میں محکمہ جنگلات و وائلڈ لائف ایبٹ آباد ریجن نے ٹک ٹاک ویڈیو بنانے کی خاطر جنگل کو آگ لگانے والے نوجوان کو گرفتار کیا تھا ، اس حوالے سے بتایا گیا کہ ایبٹ آباد میں نوجوان نے ٹک ٹاک ویڈیو بنانے کی خاطر جنگل کو ہی آگ لگا دی ، نوجوان قیمتی درخت کو آگ لگا کر ویڈیو بناتا رہا۔

    اور جب مذکورہ ویڈیو منظر عام پر آئی تو محکمہ جنگلات و وائلڈ لائف حرکت میں آیا اور کئی گھنٹوں کی محنت کے بعد انتظامیہ نے نوجوان کو گرفتار کر لیا ، محکمہ جنگلات و وائلڈ لائف کے حکام کے مطابق ملزم کے خلاف قانون کے مطابق کارروائی کے لیے مقدمہ درج کر لیا گیا ، سوشل میڈیا صارفین کی جانب سے نوجوان کی اس حرکت پر سخت برہمی کا اظہار کیا گیا۔

  • ٹک ٹاکر نے ویڈیو کی خاطر مارگلہ کو آگ لگادی، ویڈیو وائرل

    ٹک ٹاکر نے ویڈیو کی خاطر مارگلہ کو آگ لگادی، ویڈیو وائرل

    ٹک ٹاکرز جنگلات کے دشمن بن گئے، مارگلہ ہلز نیشنل پارک میں آگ لگا کر ویڈیو بناتے رہے۔ وائلڈ لائف بورڈ نے ملزمان کی نشاندہی کرلی جبکہ پولیس نے ایک ٹک ٹاکر کو ایبٹ آباد سے گرفتار کرلیا، خاتون ٹک ٹاکر سمیت دیگر ملزمان کی گرفتاری کی بھی کوشش کی جارہی ہے۔

    سوشل میڈیا پر مقبولیت کے بھوکے نوجوان درختوں اور جنگلی جانوروں کی زندگیاں لینے پر اتر آئے، مارگلہ کے پہاڑوں میں بھڑکتی آگ کسی اور نے نہیں بلکہ ٹک ٹاکرز نے لگائی تھی۔ مارگلہ ہلز کے نیشنل پارک میں آگ لگانے کی ویڈیوز ٹھوس ثبوت کی صورت میں سامنے آگئیں، ٹک ٹاکرز کو دیا سلائی سے جنگل میں آگ لگاتے صاف دیکھا جاسکتا ہے۔

    وائلڈ لائف بورڈ نے 4 لڑکوں کی نشاندہی کرلی، جن کی گرفتاری کیلئے کوششیں جاری ہیں۔ ایک اور ویڈیو بھی زیر گردش ہے جس میں ایک خاتون کو پہاڑ سے اترتے ہوئے دیکھا جاسکتا جبکہ ان کے عقب میں پودوں میں آگ لگی نظر آرہی ہے۔

    یہ بھی پڑھیں: راولپنڈی میں نوجوان ٹک ٹاک ویڈیو بناتے ہوئے جاں بحق

    وائلڈ لائف بورڈ حکام کہتے ہیں ایبٹ آباد سے آئے سیاح ٹک ٹاکرز نے بڑے پیمانے پر جنگل جلا ڈالا، نشاندہی کے بعد لڑکوں کی گرفتاری کی کوششیں جاری ہیں۔ وائلڈ لائف بورڈ کا کہنا ہے کہ جنگلات میں لگی آگ کے قریب رقص کرتی ماڈل کون ہے، اس حوالے سے بھی معلومات اکٹھی کی جارہی ہیں۔

    واضح رہے کہ خاتون ٹک ٹاکر چینی ایپ ٹک ٹاک پر ڈولی کے نام سے مشہور ہیں، جو فیشن سیلون بھی چلاتی ہیں۔ سی ڈی اے کے انوائرنمنٹ ڈیپارٹمنٹ نے جنگلات میں آگ لگانے والی خاتون ڈولی کیخلاف کوہسار تھانے میں مقدمے کی درخواست جمع کرادی۔

    درخواست میں کہا گیا ہے کہ ٹک ٹاک پر ایک ویڈیو زیر گردش ہے جس میں ڈولی نامی ٹک ٹاکر جنگل میں آگ لگا کر ویڈیو شوٹ کروا رہی ہے، اس ٹک ٹاکر کیخلاف لینڈ اسکیپ ایکٹ 1966ء فاریسٹ ایکٹ 1927، وائلڈ لائف ایکٹ 1979، انوائرنمنٹ پروٹیکشن ایکٹ 1997ء اور تعزیرات پاکستان کی متعلقہ دفعات کے تحت مقدمہ درج کرکے قانونی کارروائی کی جائے۔

    ان کا کہنا ہے کہ مارگلز ہلز نیشنل پارک کا علاقہ ہے، جس میں کچھ روز کے دوران آگ لگنے کے کئی واقعات رونما ہوچکے ہیں، جس کے باعث پودوں، درختوں اور چرند پرند کو نقصان پہنچا.