منڈی بہاؤالدین پولیس کا منشیات فروشوں کے خلاف بڑا کریک ڈاؤن، 125کلو گرام منشیات برآمد. منشیات فروشوں کے خلاف کاروائی میں بدنام زمانہ 57منشیات فروش گرفتار. منڈی بہاؤالدین کو منشیات سے پاک کرنا مشن ہے:ڈی پی او انور سعید کنگرا
منڈی بہاؤالدین( ایم.بی.ڈین نیوز 2 نومبر 2022)ڈی پی او انور سعید کنگرا کی ہدایت پر ضلعی پولیس نے ضلع میں بڑے پیمانے پر منشیات فروشوں کے خلاف کریک ڈاؤن کرتے ہوئے 57 بدنام زمانہ منشیات فروشان کو گرفتار کیا جن کے قبضہ سے 125 کلو گرام چرس برآمد کر کے مختلف تھانہ جات میں مقدمات درج کئے۔
ڈی پی او انور سعید کنگرا نے کہا کہ منشیات فروش معاشرے کا ناسور ہیں جن کی وجہ سے جرائم میں اضافہ ہوتا ہے۔ ان کا کہنا تھا کہ ضلع کو منشیات سے پاک کرنا مشن ہے اور اس ضمن میں ضلع بھر کے تمام تھانہ جات کے ایس ایچ اوز کو واضح ہدایات جاری کر دی گئیں ہیں کہ وہ منشیات فروشوں کے قلع قمع کے لئے تمام وسائل بروئے کار لائیں.
ضلع میں منشیات فروشوں کے خلاف گھیرا تنگ کرکے منشیات فروشوں کے خلاف کریک ڈاؤن کا آغاز کر دیا ہے۔انہوں نے بتایا کہ میانہ گوندل پولیس نے 26 کلو گرام چرس برآمد کر کے مقدمات درج کئے جس پر ایس ایچ او تھانہ میانہ گوندل اور ان کی ٹیم کو 25 ہزار روپے نقد اور تعریفی سرٹیفیکیٹ سے نوازا گیا
