ڈسٹرکٹ پولیس آفیسر انور سعید کنگرا نے سرکلز اور تھانہ جات کی سطح پر کارگردگی کا جائزہ لینے کے لئے میٹنگ کی، منعقدہ میٹنگ میں ایس پی انوسٹی گیشن، ڈی ایس پی ہیڈکوارٹرز، ڈی ایس پی سی آی اے، ایس ڈی پی اوز و ایس ایچ اوز کے علاوہ ڈی پی او آفس کے ہیڈ آف برانچز نے بھی شرکت کی۔
منڈی بہائوالدین (ایم.بی.ڈین نیوز 2 نومبر 2022) عوام الناس کی جان ومال کا تحفظ ہر صورت یقینی بنایا جائے، ضلع میں قاقون شکنوں کی کوئی جگہ نہیں، تھانہ کی سطح پر میرٹ اور انصاف کی فراہمی بلا تفریق ہونی چاہیے، مجرمان اشہاریوں، عدالتی مفروران، منشیات فروشوں، قحبہ خانوں، جواریوں، ناجائز اسلحہ رکھنے والوں کے خلاف بھر پور کارروائیاں عمل میں لائی جائیں
ضلع میں قانون شکنوں کی کوئی جگہ نہیں ، اس کے لیے تمام سرکل پولیس افسران و ایس ایچ اوز اپنی نفری کے ہمراہ امن و امان کے تسلسل کو برقرار رکھتے ہوئے جرائم پیشہ عناصر کی سرکوبی اور جرائم پیشہ عناصر کی بیخ کنی کے لیے اپنا بھر پور کردار ادا کریں، تھانہ و دفاتر میں آنے والے درخواست گزاروں کی داد رسی کریں ان کی شکایات اور مسائل حل کیے جائیں.
زیر تفتیش مقدمات کے تفتیشی مراحل حسب ضابطہ کرتے ہوئے مقررہ وقت میں مقدمات میرٹ پر یکسو کرتے ہوئے انہیں چالان عدالت کیا جائے تاکہ ان کا تصفیہ ہوکر ملزمان کی سزا یابی یقینی ہو سکے، انہوں نے اس سلسلہ میں مزید ہدایات دیتے ہوئے کہا کہ تھانہ کی سطح پر میرٹ اور انصاف کا بول بالا کرنے کے لیے محنت اور جانفشانی سے کام کریں اور معاشرہ سے جرائم کے خاتمے اور جرائم پیشہ عناصر کی سرکوبی کے لیے مقدمات میں مطلوب ملزمان، مجرمان اشہاریوں، عدالتی مفروران، منشیات فروشوں، قحبہ خانوں، جواریوں، ناجائز اسلحہ رکھنے والوں کو حسب ضابطہ گرفتار کر کے قانون کے کٹہرے میں لائیں تاکہ ضلع میں قائم امن و امان کی صورت حال مثالی رہے
