منڈی بہاؤالدین: سابق وزیراعلیٰ پنجاب پرویزالہی کے پرنسپل سیکرٹری محمد خان بھٹی کے خلاف کرپشن اور کک بیک کیس میں فرد جرم عائد کر دی گئی۔
گوجرانوالہ کی اینٹی کرپشن کی خصوصی عدالت نے محمد خان بھٹی پر فرد جرم عائد کر دی۔ ایف آئی آر میں محمد خان بھٹی پر کرپشن اور کک بیک کا الزام ہے۔ محمد خان بھٹی کو گوجرانوالہ کی اینٹی کرپشن عدالت میں پیش کیا گیا. عدالت میں فرد جرم پڑھ کر سنائی گئی۔ محمد خان بھٹی نے صحت جرم کو تسلیم کرنے سے انکار کر دیا۔ عدالت نے استغاثہ کے گواہوں کو 28 مارچ کو طلب کر لیا۔
منڈی بہاؤالدین کی 11 شاہراہوں کی مرمت کا صرف 55 فیصد کام ہو سکا
ایف آئی اے کے مطابق منڈی بہاؤالدین میں سڑک 17 کروڑ روپے سے زائد کی لاگت سے بنائی گئی۔ محمد خان بھٹی نے اپنے اختیارات کا غلط استعمال کرتے ہوئے ٹھیکہ نوید کنسٹرکشن کمپنی کو دے دیا۔ ٹھیکیدار کو سڑک کی تعمیر سے قبل ادائیگی بھی کی گئی۔ ایف آئی آر میں مزید کہا گیا کہ تعمیر شدہ سڑک ناقص اور غیر معیاری ہے۔
