بوسال سکھا کے رہائشی شہباز پر تشدد کرنے والے مرکزی ملزم سرفراز عرف پھلو کو بھی گرفتار کر لیا گیا. تھانہ ملکوال پولیس قبل ازیں اس واقعہ میں ملوث ملزمان تصور، فدا، گوشی، سکندر اور شکیل کو گرفتار کر چکی ہے
منڈی بہاءالدین ( ایم.بی.ڈین نیوز 31 اکتوبر 2022) بوسال سکھا کے رہائشی شہباز احمد پر تشدد کی ویڈیو سامنے آنے پر ڈسٹرکٹ پولیس آفیسر انور سعید کنگرا نے نوٹس لیتے ہوئے ایس ڈی پی او سرکل ملکوال اور ایس ایچ او تھانہ ملکوال کو وقوعہ میں ملوث ملزمان کو ٹریس کر کے گرفتار کرنے کا حکم دیا .
یہ بھی پڑھیں: کچہری سے واپسی پر ملزمان کا اووسیز شہری پر تشدد، کپڑے پھاڑ کر ویڈیو بھی بناتے رہے
ایس ایچ او تھانہ ملکوال ارمغان مقسط اور ان کی ٹیم نے واقعہ میں ملوث ملزمان تصور، فدا، گوشی، سکندر اور شکیل کو فوری طور پر گرفتار کر لیا تھا جبکہ وقوعہ کے مرکزی ملزم سرفراز عرف پھلو کو بھی گرفتار کر لیا گیا ہے، متاثرہ کے بیان پر ملزمان کے خلاف مقدمہ درج کیا تھا جس پر مقامی پولیس نے ملزمان کو گرفتار کر لیا ہے،تشدد کا واقعہ چند روز قبل پیش آیا تھا.
ڈسٹرکٹ پولیس آفیسر انور سعید کنگرا کا کہنا ہے کہ کسی بھی شہری پر تشدد یا اس کی تذلیل ناقابل برداشت ہے، تشدد کے خلاف زیرو ٹالرنس پالیسی ہے، شہریوں کا استحصال برداشت نہیں، ملزمان کو قانون کے مطابق قرار واقعی سزا دلوائی جائے گی
