ملکوال(نامہ نگار) سابقہ لڑائی کی رنجش پر ڈنڈوں سے مسلح ملزمان کا اوورسیز شہری پر ظالمانہ تشدد، ملزمان شہری کو کتے کی طرح بھونکنے پر مجبور کرتے رہے کپڑے بھاڑ دیے تشدد کی ویڈیو بھی بناتے رہے مقدمہ درج
تفصیلات کیمطابق شہزاد احمد سکنہ بوسال سکھا نے بتایا کہ وہ اوورسیز پاکستانی ہے چھٹی پر اپنے گاؤں آیا ہوں متاثرہ شخص نے بتایا کہ وہ ایک کام کے سلسلے میں اپنے بھائی شہباز اور خالد کے ساتھ موٹر سائیکل پر تحصیل کچہری ملکوال آیا تھا جب واپس جانے لگے تو چاندنی چوک چک رائب کے قریب ایک درجن سے زائد اسلحہ اور ڈنڈوں سے مسلح ملزمان نے زبردستی روکا موٹر سائیکل پر ڈنڈے برسا کر تباہ کر دیا جبکہ مجھے بھی ڈنڈوں سے ظالمانہ تشدد کرتے رہے اور کتے کی طرح بھونکنے پر مجبور کرتے رہے.
ملزمان نے شہزاد کے کپڑے پھاڑ کر برہنہ کر دیا اور اس کی ویڈیو بنائی رابطہ کرنے پر ایس ایچ او تھانہ ملکوال سب انسپکٹر ارمغان مقسط نے بتایا کہ سرفراز، تصور اور نوید سمیت دس نامزد اور پانچ نامعلوم ملزمان کیخلاف مقدمہ درج کر لیا گیا ہے ایس ایچ او نے بتایا کہ چھ ملزمان نے عبوری ضمانتیں کروا لی ہیں جبکہ دیگر ملزموں کی گرفتاری کیلئے چھاپے مار رہے ہیں جلد گرفتار کر لیا جائے گا
