چودھری پرویز الٰہی گجرات، منڈی بہاؤالدین اور تلہ گنگ سے قومی اور صوبائی اسمبلی کا الیکشن لڑیں گے

راولپنڈی: سابق وزیراعلیٰ پنجاب اور پی ٹی آئی کے صدر چوہدری پرویز الٰہی سے اڈیالہ جیل میں سردار عبدالرزاق خان ایڈووکیٹ نے ملاقات کی۔

چوہدری پرویز الٰہی کے کاغذات نامزدگی پر سردار عبدالرزاق ایڈووکیٹ نے دستخط کیے، چوہدری پرویز الٰہی تین قومی اور تین صوبائی سمیت کل 6 حلقوں سے الیکشن لڑیں گے۔

چوہدری پرویز الٰہی گجرات، منڈی بہاؤالدین اور تلہ گنگ سے قومی و صوبائی اسمبلی کا الیکشن لڑیں گے، وہ این اے 59، 64 اور 69 اور پی پی 23، 32 اور 34 سے الیکشن لڑیں گے۔