وزیر اعلی پنجاب مریم نواز شریف کے کرپشن فری ویژن کے تحت ڈپٹی کمشنر ڈاکٹر فیصل سلیم کی سربراہی میں مراکز مال پر شفافیت کو قائم رکھنے کے حوالے سے ضلع بھر کے دیہی مراکز مال کا آڈٹ کروایا گیا۔
منڈی بہاوالدین ( ایم.بی.ڈین نیوز 04 جون 2025) آڈٹ رپورٹ کے مطابق منڈی بہاءالدین کے 3 پٹواری حلقہ کدھر، آہلہ، ڈھوک نواں لوک، پھالیہ کے 5 پٹواری حلقہ باہری، رنڈیالی،کوٹلی قاضی، لسوڑی کلاں اور سیدا جبکہ ملکوال حلقہ کٹھیالہ شیخاں کا ایک پٹواری ریونیو ریکوری میں نا کامی، بدعنوانی, لاپرواہی اور اختیارات کے ناجائز استعمال میں ملوث قرار پائے گئے۔
Mandi Bahauddin Patwari contact number
جس پر ڈپٹی کمشنر ڈاکٹر فیصل سلیم نے فوری ایکشن لیتے ہوئے 9 پٹواریوں کو معطل کرکے ان کے خلاف محکمانہ کاروائی کا آغاز کر دیا۔ ڈپٹی کمشنر ڈاکٹر فیصل سلیم کا کہنا تھا کہ کسی کو بھی سرکاری واجبات کی وصولی میں غفلت و خرد برد کی اجازت نہ دی جائے گی۔ عوامی حلقوں نے ڈپٹی کمشنر کے اس اقدام کو سراہتے ہوئے معطل پٹواریوں کے خلاف سخت ایکشن لینے کا مطالبہ کیا ہے۔
