منڈی بہاؤالدین کے دو نوجوان لیبیا سے اٹلی جاتے ہوئے کشتی ڈوبنے سے جاں بحق. ایک نوجوان فیصل کا تعلق پنڈی کالو سے اور دوسرے نوجوان شیراز گوندل کا تعلق ارزانی سوہاوہ سے تھا۔ ذرائع کے مطابق کشتی میں 75 افراد سوار تھے جن میں صرف تین زندہ بچ سکے۔
منڈی بہاؤالدین(حاجی مظہر اقبال گوندل ) منڈی بہاؤالدین کا فیصل ولد محمد اسلم قوم مہاجر ساکن پنڈی کالو کلاں چند دن پہلے لیبیا سے کشتی کے ذریعے اٹلی جا رہا تھا۔لواحقین کے مطابق 75 افراد کی یہ کشتی لیبیا کے شہر تیونس کے سمندر میں ڈوب گئی ہے۔کشی میں سوار 72 افراد موقع پر ہی جان کی بازی ہار گئے۔3 افراد کو سمندر سے زندہ نکال لیا گیا ہے۔
اٹلی جانے کا خواہشمند دو بچوں کا باپ انسانی سمگلنگ کی بھینٹ چڑھ گیا
بچ جانے والے لڑکے لیبیا کے شہر تیونس کے ہسپتال میں زیر علاج ہیں۔آج فیصل ولد محمد اسلم قوم مہاجر ساکن پنڈی کالو کلاں کی غائبانہ نماز جنازہ ادا کر دی گئی ہے۔ لواحقین نے حکومت پاکستان سے کشتی حادثہ میں جان بحق ہونے والے پاکستانیوں کی ڈیڈ باڈیز وطن واپس منگوانے کی اپیل کی ہے۔
لواحقین نے حکومت سے یہ بھی مطالبہ کیا ہے کہ ایجنٹ کے خلاف کارروائی عمل میں لائی جائے،کیونکہ ایجنٹ نے جان بوجھ کر کشتی ڈبوائی ہے۔
