تھانہ سول لائن کی حدودمیں واقعہ الحمد سٹی نزد ڈسٹرکٹ کمپلیکس میں لاکھوں کی ڈکیتی‘ مسلح ڈاکو اہل خانہ کو اسلحہ کی نوک پر یرغمال بنا کر ساری جمع پونجی لوٹ کر فرا ر‘ اہل خانہ کو بہیمانہ تشدد کا نشانہ بناتے رہے‘ پولیس نے شواہد اکٹھے کر کے تفتیش شروع کر دی ہے۔
منڈی بہاءالدین(سٹاف رپورٹر) تفصیلات کے مطابق تھانہ سول لائن کی حدود میں واقع الحمد سٹی ٹاؤن جھولانہ نزد ضلع کمپلیکس میں واقع کوٹھی میں پراسیکیوٹر نے فیملی کے ہمراہ رہائش رکھی ہوئی ہے‘ گزشتہ رات بسلسلہ ضروری کام سرگودہا گئے ہوئے تھے‘ رات 12:30بجے قریب اہل خانہ سرگودھا سے واپس گھر آئے گیراج میں گاڑی پارک کرنے لگے ساتھ ہی ڈاکو گھر میں داخل ہو گئے اور اسلحہ کی نوک پر اہل خانہ کو یرغمال بناتے ہوئے بہیمانہ تشدد کا نشانہ بنانا شروع کر دیا.
ڈاکوؤں نے ساڑھے سات لاکھ مالیت پرائز بانڈز، تقریبا ً8 لاکھ نقدی، 5 لاکھ مالیت طلائی زیورات، قیمتی کپڑے اور دیگر گھر کا سامان لوٹ کر فرار ہو گئے‘ اطلاع ملنے پر پولیس موقع پر پہنچ گئی اور ضروری کاروائی کے بعد ملزمان کی تلاش شروع کر دی گئی ہے۔
