آج بارش ہوگی یا نہیں؟ محکمہ موسمیات نے اہم پیشگوئی کردی

لاہور شہر کا موسم جزوی طور پر ابر آلود ہو گیا اور گرمی کی شدت میں کمی آ گئی۔ جبکہ آئندہ 24 گھنٹوں کے دوران 5 فیصد بارش کا امکان ہے۔

محکمہ موسمیات کے مطابق لاہور شہر کا موجودہ درجہ حرارت 27 ڈگری سینٹی گریڈ ریکارڈ کیا گیا ہے جب کہ زیادہ سے زیادہ درجہ حرارت 35 ڈگری تک جانے کا امکان ہے۔ شہر میں فضائی آلودگی کی شرح کم نہ ہو سکی۔ ہوا کے معیار کا انڈیکس 156 ریکارڈ کیا گیا ہے جبکہ لاہور دنیا کے آلودہ ترین شہروں کی فہرست میں دوسرے نمبر پر آگیا ہے۔

دوسری جانب خیبرپختونخوا، شمال مشرقی/وسطی پنجاب، خطہ پوٹھوہار، اسلام آباد، کشمیر، گلگت بلتستان اور شمال مشرقی بلوچستان میں مزید بارش کا امکان ہے۔ تاہم اس دوران کشمیر، شمال مشرقی/وسطی پنجاب، خطہ پوٹھوہار، خیبرپختونخوا اور شمال مشرقی بلوچستان میں چند مقامات پر موسلادھار بارش کا بھی امکان ہے۔

محکمہ موسمیات کے مطابق اسلام آباد اور اس کے گردونواح میں چند مقامات پر موسلادھار بارش کا امکان ہے۔ میانوالی، بھکر، لیہ، بہاولنگر، ملتان، خانپور، راجن پور، خوشاب، سرگودھا اور ڈیرہ غازی خان میں گرج چمک کے ساتھ بارش کا امکان ہے۔

مری، گلیات، راولپنڈی، اٹک، چکوال، تلہ گنگ اور جہلم میں بھی بارش کا امکان ہے۔ منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، قصور، اوکاڑہ، پاکپتن، وہاڑی، جھنگ، ٹوبہ ٹیک سنگھ، ننکانہ صاحب، چنیوٹ اور فیصل آباد میں بارش کا امکان ہے۔

دیر، سوات، چترال، کوہستان، شانگلہ، بونیر، بٹگرام، ایبٹ آباد، مانسہرہ، ہری پور، خیبر، مہمند، باجوڑ، صوابی، مردان، نوشہرہ، پشاور، کوہاٹ، ہنگو، کرک، لکی مروت، بنوں، ڈیرہ اسماعیل خان، ٹانک، وزیرستان اور کرم میں بھی بارش ہونے کی پیشگوئی کی گئی ہے۔

قلات، ژوب، بارکھان، ہرنائی، موسیٰ خیل، شیرانی، کوئٹہ، زیارت، پشین، مستونگ، قلعہ سیف اللہ، قلعہ عبد اللہ، لورالائی، کوہلو، ڈیرہ بگٹی، نصیر آباد اور جھل مگسی میں بارش ہونے کی توقع ہے جبکہ بعض مقامات پر موسلادھار بارش کا امکان ہے۔ سندھ کے ساحلی اضلاع میں چند مقاما ت پر بارش ہونے کی توقع ہے۔

ماہرین کے مطابق گذشتہ 24 گھنٹے کے دوران اسلام آباد،خطۂ پوٹھوہار ، شمال مشرقی/وسطی پنجاب، خیبرپختونخوا، کشمیر اور شمال مشرقی بلوچستان میں آندھی/جھکڑاورگرج چمک کے ساتھ بارش جبکہ چند مقامات پر موسلادھار بارش بھی ہوئی جبکہ ملک کے دیگر علاقوں میں موسم گرم اور مرطوب رہا۔

سب سے زیادہ بارش لاہور (، سٹی119، ائرپورٹ 86)، سرگودھا 58، ٹوبہ ٹیک سنگھ 46، فیصل آباد 40، بھکر ،شیخوپورہ 38، راولپنڈی (چکلالہ ائرپورٹ 30، کچہری 11، شمس آباد 09)، بہاولنگر 28، سیالکوٹ (شہر26، ائرپورٹ 19)، گوجرانوالہ 26، حافظ آباد 25، جہلم، قصور 21، ساہیوال 18 ملی میٹر بارش ہوئی.

اسلام آباد (سید پور 17، گولڑہ 16، بوکرا، زیروپوائنٹ 08)، منڈی بہاؤالدین16، ناروال 13، اوکاڑہ، گجرات 11، منگلا 10، جوہرآباد 09، جھنگ 05، مری 02، خانیوال، ملتان 01، دیر (زیریں 36،بالائی 02)، ڈی آئی خان (سٹی 21، ائرپورٹ 14)، بنوں، مالم جبہ 01، بالاکوٹ 01 اور بارکھان میں 07 ملی میٹر بارش ریکارڈ کی گئی.