ڈپٹی کمشنر شاہد عمران مارتھ نے ضلع منڈی بہاوالدین میں گندم کٹائی مہم کا باقاعدہ افتتاح کر دیا ہے۔ ڈپٹی کمشنر نے چیلیانوالہ سیڈ فارم کے مقام پر خود گندم کی کٹائی کر کے افتتاح کیا۔
منڈی بہاوالدین( ایم.بی.ڈین نیوز 04مئی 2024) اس موقع پر ایڈیشنل ڈپٹی کمشنر ریونیو ذوالفقار احمد، ڈائریکٹر زراعت (توسیع) گجرات ڈاکٹر عرفان اللہ وڑائچ، ڈائریکٹر فارم اینڈ ٹریننگ گوجرانوالہ ڈاکٹر مزمل حسین کاہلوں، ڈپٹی ڈائریکٹر زراعت (توسیع) شیخ محمد اقبال سمیت دیگر افسران اور کاشت کاران بھی موجود تھے۔
مارکیٹ میں گندم کی قیمت 3000 روپے فی من سے نیچے آگئی
ڈپٹی کمشنر شاہد عمران مارتھ کا کہنا تھا کہ حکومت پنجاب کاشتکاروں کی فلاح وبہبود کیلئے کوشاں ہے۔ زراعت پاکستان کی معیشت میں ریڑھ کی ہڈی کی حیثیت رکھتی ہے۔ ہمارا کاشتکار خوشحال ہو گا تو ملک ترقی کرے گا۔ گندم کی کٹائی کاشتکاروں کیلئے خوشحالی کا پیغام ہے، امسال گندم کی فی ایکڑ پیداوار میں اضافے کی توقع ہے۔
ڈائریکٹر زراعت (توسیع) گجرات اور ڈائریکٹر فارم اینڈ ٹریننگ گوجرانوالہ نے شرکاء کو زراعت کی اہمیت، پیداواری مقابلہ جات، حکومت پنجاب کی جانب سے تفویض کردہ بیج بارے آگاہی دی۔ انہوں نے بتایا کہ ضلع منڈی بہاوالدین میں حکومتی پالیسی کے تحت گندم خریداری مہم کا جلد آغاز کر دیا جائے گا۔
After Gandam Scheme 2024, Wheat Rate has crashed in Punjab
حکومت پنجاب کی پالیسی کے تحت کسانوں بالخصوص چھوٹے کاشتکاروں کیلئے باردانہ کے حصول کے طریقہ کار کو آسان بنا دیا ہے۔ ڈپٹی کمشنر نے کسانوں کے دیگر مسائل اور جائز مطالبات کو جلد حل کرنے کی یقین دہانی کرائی۔
