لاہور (ویب ڈیسک) پاکستان اور امریکہ کے درمیان عوامی رابطے کو مضبوط بنانے کے لیے پنجاب بھر کے 41 اضلاع کے دورے کی مہم کے سلسلے میں لاہور میں امریکی قونصل جنرل ولیم کے مکانیول نے منڈی بہائوالدین کا بھی دورہ کیا ، یہاں صدر گیٹ کے جائزے کے علاوہ شجر کاری مہم میں بھی حصہ لیا۔
امریکہ پرائیویٹ سیکٹر کی ٹریڈ اور سرمایہ کاری کو وسعت دیتے ہوئے دونوں ممالک کے درمیان معاشی تعلقات کو مضبوط کرنے کی حمایت کرتا ہے اور گرین الائنس جیسے اقدامات کے ذریعے ماحولیاتی تبدیلیوں سے مل کر نمٹنا چاہتا ہے ۔امریکہ پاکستان گرین الائنس زراعت، توانائی، پانی اور دیگر ماحولیاتی مسائل سے متعلق مشترکہ چیلنجوں سے نمٹتا اور جامع اقتصادی ترقی کو فروغ دیتا ہے۔
یہ بھی پڑھیں: امریکی قونصل جنرل لاہور ولیم نے منڈی بہاوالدین کا دورہ کیا
قونصل جنرل مکانیول نے سرکاری حکام، سول سوسائٹی کے رہنماؤں، منڈی بہاؤالدین چیمبر آف کامرس کے اراکین اور چھوٹی صنعتوں کے نمائندوں سے ملاقاتوں کے دوران دونوں ممالک کے درمیان تجارت اور سرمایہ کاری کو وسعت دینے کے لیے پاکستان کے ساتھ کام کرنے کے لیے امریکی حکومت کے عزم کو اجاگر کیا۔ انہوں نے شاہ تاج شوگر ملز، رسول بیراج اور یونیورسٹی آف گجرات منڈی بہاؤالدین سب کیمپس کا بھی دورہ کیا۔
تین روزہ دورے کے بعد لاہور میں امریکی قونصل جنرل کا کہناتھاکہ “یہ سفر ایک بہترین تجربہ تھا، مجھے ضلع میں ہونیوالی ڈیویلپمنٹ، تعلیمی اداروں اور نجی شعبے کے ساتھ امریکی حکومت کے تعاون سے ایک مضبوط، خوشحال اور پرامن پاکستان کی تعمیر میں مدد کے لیے مواقع ملے ہیں۔
