گزشتہ ہفتے کے دوران ملک میں سیمنٹ کی خوردہ قیمتوں میں قدرے اضافہ ہوا۔ پاکستان بیورو آف شماریات کے جاری کردہ اعداد و شمار کے مطابق ملک کے شمالی شہروں میں 4 دسمبر کو ختم ہونے والے ہفتے میں سیمنٹ کی فی بوری کی اوسط خوردہ قیمت 1379 روپے ریکارڈ کی گئی جو گزشتہ ہفتے کے مقابلے میں 0.39 فیصد زیادہ ہے۔ گزشتہ ہفتے ملک کے شمالی شہروں میں سیمنٹ کی فی بوری کی اوسط پرچون قیمت 1374 روپے ریکارڈ کی گئی تھی۔
زیر جائزہ مدت کے دوران ملک کے جنوبی شہروں میں سیمنٹ کی فی بوری کی اوسط خوردہ قیمت 1،441 روپے ریکارڈ کی گئی جو کہ گزشتہ ہفتے کے مقابلے میں 0.06 فیصد زیادہ ہے۔ گزشتہ ہفتے ملک کے جنوبی شہروں میں سیمنٹ کی فی بوری کی اوسط پرچون قیمت 1،440 روپے ریکارڈ کی گئی تھی۔
اعدادوشمارکے کے مطابق 4 دسمبرکوختم ہونے والے ہفتہ میں اسلام آباد میں سیمنٹ کی فی بوری کی اوسط ریٹیل قیمت 1367 روپے، راولپنڈی 1361 روپے، گوجرانوالہ 1400 روپے، سیالکوٹ 1370 روپے، لاہور 1466 روپے، فیصل آباد 1370 روپے، سرگودھا 1373 روپے، ملتان 1397 روپے، بہاولپور 1400 روپے، پشاور 1370 روپے اوربنوں میں سیمنٹ کی فی بوری کی اوسط ریٹیل قیمت 1300 روپے ریکارڈ کی گئی۔
اسی طرح 4 دسمبر کو ختم ہونے والے ہفتے میں کراچی میں سیمنٹ کی فی بوری اوسط خوردہ قیمت 1378 روپے، حیدرآباد میں 1428 روپے، سکھر میں 1500 روپے، لاڑکانہ میں 1407 روپے، کوئٹہ میں 1490 روپے اور خضدار میں 1443 روپے فی بوری ریکارڈ کی گئی۔
