برطانوی ہائی کمشنر جین میریٹ نے پاکستانی نژاد برطانوی گلوکار زین ملک کی پاکستان آمد کا عندیہ دے دیا ہے۔ جین میریٹ نے سوشل میڈیا ویب سائٹ X (سابقہ ٹویٹر) پر بی بی سی کا ایک مضمون پوسٹ کیا جس میں پاکستانی بینڈ ‘اور’ کے ساتھ برطانوی گلوکار زین کے کام کو اجاگر کیا گیا تھا۔
Time to plan your Pakistan tour, @zaynmalik! Loving this UK-Pakistan Urdu collaboration with Aur. https://t.co/HGMb80PCN2
— Jane Marriott (@JaneMarriottUK) January 29, 2024
اس آرٹیکل کو پوسٹ کرکے جین میریٹ نے دنیا کے مشہور گلوکار زین ملک کے پاکستان آنے کی طرف واضح اشارہ دیا۔ برطانوی ہائی کمشنر نے اپنی پوسٹ میں کہا کہ ’آپ کے دورہ پاکستان کی منصوبہ بندی کرنے کا وقت آگیا ہے، زین ملک اور بینڈ ’اور‘ کا تعاون سب کو پسند آیا۔
واضح رہے کہ پاکستانی میوزک بینڈ ‘اور’ نے 10 جون 2023 کو گانا ‘تو ہے کہاں’ ریلیز کیا تھا جو پاکستان کے ساتھ ساتھ بھارت میں بھی کافی مقبول ہوا تھا۔ اس گانے کی مقبولیت کو دیکھتے ہوئے نوجوان گلوکاروں نے اس گانے کا اپ ڈیٹ ورژن بنانے کا سوچا۔
رواں سال 12 جنوری کو گانے ‘تو ہے کہن’ کا اپ ڈیٹ ورژن ریلیز کیا گیا جس میں پاکستانی میوزک بینڈ ‘اور’ کے نوجوان گلوکاروں کے ساتھ برطانوی گلوکار زین ملک نے بھی اردو میں گایا۔ زین ملک کی آواز میں اردو زبان میں گانا سننے کے بعد ان کے لاکھوں مداحوں نے خوشی کا اظہار کرتے ہوئے گانے کی ویڈیو کلپس سوشل میڈیا پر شیئر کیں۔
