لاس اینجلس: ایک روسی شہری حیران کن طور پر ڈنمارک کے دارالحکومت کوپن ہیگن سے پرواز میں بیٹھ کر بغیر ویزا اور ٹکٹ کے امریکا پہنچ گیا۔
میڈیا رپورٹس کے مطابق روسی اور اسرائیلی شہری سرگئی ولادیمیرووچ کو امریکی پولیس نے لاس اینجلس سے گرفتار کیا۔ مزید یہ کہ روسی شہری کا نام فلائٹ میں سفر کرنے والے مسافروں کی فہرست میں بھی نہیں تھا۔ جب ایف بی آئی حکام کی جانب سے پوچھ گچھ کی گئی تو سرگئی ولادمیر نے بتایا کہ وہ جہاز میں اپنا پاسپورٹ بھول گئے تھے۔ تاہم تفتیش کے دوران ان کا دعویٰ غلط ثابت ہوا۔
یہ بھی پڑھیں: تحریک انصاف منڈی بہاؤالدین کے صدر ملک عدنان لندن پہنچ گئے
پرواز کے عملے نے مقامی میڈیا کو بتایا کہ سرگئی کو جہاز میں موجود بہت سے لوگوں نے دیکھا جب وہ بار بار اپنی سیٹ تبدیل کر رہے تھے۔ دوران پرواز انہوں نے ایئر ہوسٹسز سے دو بار کھانا منگوایا اور فلائٹ عملے کے لیے بھی رکھا۔ چاکلیٹ بھی کھانے کی کوشش کی۔
ایف بی آئی کے ایک اہلکار کی جانب سے کی گئی تحقیقات میں روسی شہری نے کہا کہ وہ الجھن کا شکار ہے۔ وہ تین دن سے سویا نہیں ہے، اور اسے کچھ یاد نہیں کہ وہ جہاز میں کیسے چڑھا اور وہ بھی بغیر ٹکٹ یا ویزے کے۔ ایف بی آئی کی جانب سے سرگئی ولادیمیرووچ کے خلاف شکایت درج کرائی گئی ہے اور تحقیقات کا آغاز کر دیا گیا ہے۔
