لندن: پاکستان تحریک انصاف سٹی منڈی بہاؤالدین کے صدر ملک عدنان کی لندن آمد پر ہیتھرو ایئرپورٹ پر ڈپٹی میئر تھرک بارو کونسلر قیصر عباس گوندل، معروف گلوکار سہیل سلامت اور سابق بار ڈسٹرکٹ فنانس سیکرٹری میاں طلحہ ایڈووکیٹ نے ان کا استقبال کیا۔
اس موقع پر کونسلر قیصر عباس گوندل نے کہا کہ پاکستان اور برطانیہ کے درمیان دوطرفہ تعلقات بہت پرانے اور دوستانہ ہیں۔ ہمارے لیے ہر آنے والا قابل احترام ہے اور ہم ملک عدنان کو برطانیہ میں خوش آمدید کہتے ہیں۔
اس موقع پر میڈیا سے گفتگو کرتے ہوئے ملک عدنان نے کہا کہ میں اپنے تمام دوستوں کا مشکور ہوں جنہوں نے مشکل وقت میں میرا اور پارٹی کا ساتھ دیا۔ پاکستان کی ترقی اور بقا کے لیے صاف اور شفاف انتخابات ناگزیر ہیں۔ ہم سب امید کرتے ہیں کہ نگران حکومت اس سلسلے میں مناسب اقدامات کرے گی۔
