ریسکیو 1122منڈی بہاﺅالدین کی سالانہ کارکردگی 2022 کا جائزہ لینے کیلئے ڈسٹرکٹ ایمرجنسی آفیسر انجینئر عمران خان کی زیر صدارت اجلاس منعقد ہوا، جس میں کنٹرول روم انچارج امتیازعلی نے اجلاس میں سالانہ کارکردگی کے حوالے سے شرکاءکو تفصیلی بریفنگ دی۔
منڈی بہاﺅالدین ( ایم.بی.ڈین نیوز 02 جنوری2023) اجلاس کو بتایا گیاکہ سال 2022 میں ایک لاکھ 9 ہزار 217 کالز موصول ہوئیں، جن میں 20 ہزار 541 ایمرجنسی کالز جبکہ 72 ہزار 418 ڈسٹربنگ اور بوگس کالز ، 16ہزار 180 معلوماتی کالز، 24 رانگ کالز اور 54 فیک کالز شامل ہیں۔ ایمرجنسی کالز کا تناسب 7.87 رہا۔
یہ بھی پڑھیں: ریسکیو 1122 منڈی بہاوالدین نے سال 2021 کی کارکردگی رپورٹ جاری کردی
سال 2022 میں 20 ہزار 541 ایمرجنسیز پر بر وقت مدد فراہم کی گئی۔ جن میں سے 4 ہزار 953 روڈ ٹریفک حادثات، 27 ڈوبنے، 366 آگ لگنے 653 کرائم، 8عمارت منہدم ہونے اور 14 ہزار 534 میڈیکل و دیگر واقعات شامل ہیں۔ روڈ ٹریفک حادثات کا تناسب 56.28 رہا ،جس میں7 ہزار 445 افراد کو موقع پر طبی امداد دے کر فارغ کر دیا گیا اور 14 ہزار 936 زخمیوں کو فرسٹ ایڈ دیتے ہوئے ضلع کے مختلف ہسپتالوں میں پہنچایا گیا جبکہ 584 افراد موقع پر جاں بحق ہوئے۔
ریسکیو 1122 منڈی بہاﺅالدین کا ایمرجنسیز میں بر وقت ریسپانس کم سے کم ٹائم 7.87 منٹ رہا۔ جس پر ڈسٹرکٹ ایمرجنسی آفیسر عمران خان نے رپورٹ پر اظہار اطمینان کرتے ہوئے مستقبل میں بھی مذید جانفشانی اور پیشہ وارانہ انداز میں فرائض کی ادائیگی کو ممکن بنانے کی ہدایت کی۔ اس موقع پر سٹیشن کوآرڈینیٹر سہیل خان، ایڈمن آفیسر، میڈیا کوآرڈینیٹر عاطف رفیق اور دیگر افسران بھی موجود تھے۔
