ضلعی انتظامیہ اور مخیر حضرات کی جانب سے جنوبی پنجاب میں سیلاب زدگان کی مدد کیلئے 11 لاکھ روپے کا امدادی سامان روانہ کر دیا گیا ہے ۔ فرٹیلائز ڈیلر کی جانب سے 200راشن بیگ، 3ہزار پانی کی بوتلیں اور 60 ترپال جبکہ عمران رائس غلہ منڈی کی جانب سے 70 بوری سپر چاول اور لیڈیز کلب کی جانب سے 60بیگ دیسی آٹا سیلاب زدگان کو بھجوایا گیا۔
منڈی بہاﺅالدین( ایم.بی.ڈین نیوز 29اگست2022 ) اس موقع پر ڈپٹی کمشنر تسنیم علی خاں نے کہا کہ ملک میں سیلابی صورت حال کے پیش نظر متاثرین سیلاب کی مدد اور بحالی کے حوالہ سے ضلعی انتظامیہ نے سیلاب زدہ دکھی انسانیت کی خدمت کی روایت کو برقرار کھتے ہوئے دکھی انسانیت کی مددکا بیڑہ اٹھایا ہے۔
یہ بھی پڑھیں: سیلاب: پاک فوج کا منڈی بہائوالدین میں امدادی کیمپ قائم، ریلیف اکاؤنٹ کھول دیا
منڈی بہاوالدین کی عوام سیلاب متاثرین کے دکھ میں برابر کے شریک ہیں اور اس مشکل گھڑی میں متاثرین کو تنہا نہیں چھوڑیں گے۔ انہوں نے مخیر حضرات سے اپیل کی کہ وہ سیلاب متاثرین کی فوری امداد کیلئے اس کار خیر میں بڑھ چڑھ کر حصہ لیں ۔
