محکمہ سوشل ویلفیئر کے زیر اہتمام ضلع کونسل ہال میں سپیشل افراد میں معاون آلات تقسیم کرنے کی تقریب کا انعقاد. مہمان خصوصی قومی اسمبلی ناصر اقبال بوسال، ممبر صوبائی اسمبلی محترمہ حمیدہ وحیدالدین اور ایڈیشنل ڈپٹی کمشنر ریونیو لیفٹیننٹ ریٹائرد محمد احمد ظہیر تھے۔
منڈی بہاءالدین: ممبر قومی اسمبلی ناصر اقبال بوسال اور ممبر صوبائی اسمبلی محترمہ حمیدہ وحید الدین کا خصوصی افراد میں معاون آلات تقسیم کرنے کی تقریب سے خطاب کرتے ہوئے کہنا تھا کہ وزیراعلی پنجاب مریم نوازشریف کا معاون آلات پروگرام معاشرے کے پسماندہ اور خصوصی افراد کی خدمت اور انہیں بااختیار بنانے میں ایک عظیم انسانی فریضہ ہے۔
آج کی اس خوبصورت تقریب کا مقصد معذور افراد کی زندگیوں میں سہولت پیدا کرنا اور ان کیلئے نقل و حرکت کو ممکن بنانا ہے تا کہ وہ بھی معاشرتی سرگرمیوں میں بھر پور حصہ لے سکیں۔ ان کا کہنا تھا کہ وزیراعلی پنجاب مریم نوازشریف کے معاون آلات پروگرام کے تحت منڈی بہاءالدین میں 56 خصوصی افراد معاون آلات تقسیم کئے جا رہے ہیں۔
انہوں نے خصوصی افراد کے حوصلے اور عزم کو سراہتے ہوئے حکومت کے فلاحی منصوبوں کو زیادہ سے زیادہ فروغ دینے کی ضرورت پر بھی زور دیا۔ان کا کہنا تھا کہ حکومت کی توجہ سے یہ خصوصی افراد معاشرے کا مفید شہری بن سکیں گے۔
