وزیراعلیٰ پنجاب، چیف سیکرٹری پنجاب اور کمشنر گوجرانوالہ کی خصوصی ہدایت پر ڈپٹی کمشنر شاہد عمران مارتھ نے ست سراچوک تا ڈسٹرکٹ جناح پبلک سکول سڑک کی از سر نو تعمیر کا سنگ بنیاد رکھ دیا،ڈپٹی کمشنر نے فیتہ کاٹ کر باقاعدہ افتتاح کیا اور جاری کام کا معائنہ کیا۔ سڑک کا تخمینہ لاگت 5کروڑ روپے ہے۔
منڈی بہاوالدین( ایم.بی.ڈین نیوز 21دسمبر 2023 )اس موقع پر ڈپٹی کمشنر شاہد عمران مارتھ کا کہنا تھا کہ اس سڑک کی تعمیر عوام الناس کا ایک دیرینہ مطالبہ تھا جس کو آج پورا کیا جا رہا ہے ۔ انہوں نے بتایا کہ یہ سڑک میونسپل کمیٹی کے فنڈ سے تعمیر کی جا رہی ہے۔سڑک کی تعمیر کو 15 جنوری تک مکمل کر لیا جائے گا ۔
ڈپٹی کمشنر نے کہاکہ عوامی فلاح و بہبود کے اس منصوبہ کو مقررہ معیار اور مدت کے اندر مکمل کیا جائے۔ غیر معیاری تعمیراتی مٹیریل اور تاخیر کسی صورت قابل قبول نہ ہو گی ۔ اس موقع پر ایڈیشنل ڈپٹی کمشنر ریونیو ذوالفقار احمد سمیت دیگر افسران اور معززین علاقہ کی کثیر تعداد بھی موجود تھی۔
