حکومت پنجاب کی ہدایت پر ضلع منڈی بہاوالدین میں بھی احساس راشن رعایت پروگرام کا آغاز کردیاگیا ہے، اس حوالے سے دکانداروں اور کریانہ مرچنٹس کی رجسٹریشن شروع کر دی گئی ہے ۔
منڈی بہاوالدین ( ایم.بی.ڈین نیوز 29نومبر 2022) تفصیلات کے مطابق حکومت پنجاب نے صوبے کے 80 لاکھ خاندانوں کیلئے 100ارب روپے کی خطیر رقم سے احساس راشن رعایت پروگرام شروع کیاہے۔ پنجاب احساس راشن رعایت پروگرام کے تحت مستحق خاندانوں کو آٹا،دالیں، کوکنگ آئل اورگھی 40فیصدتک سستا ملے گا۔ مستحق خاندان رجسٹرڈ کریانہ سٹور زسے40فیصد رعایت پر آٹا،گھی،تیل اوردالیں خرید سکیں گے۔
یہ بھی پڑھیں: منڈی بہاءالدین میں غریب اور مستحق افراد کیلئے احساس بازار قائم کر دیا گیا
احساس راشن رعایت پروگرام کے تحت کم آمدنی والے خاندان اپنے ماہانہ راشن پر رعایت حاصل کر سکتے ہیں۔اِس پروگرام کے تحت رجسٹرڈ دکانداروں کو نا صرف سبسڈی کی رقم ان کے اکاو ¿نٹ میں واپس کر دی جائے گی بلکہ وہ اپنی ہر فروخت پر 8 فیصد کمیشن بھی وصول کر سکیں گے۔
اس کے علاوہ دکانداروں کو کمیشن کی مد میں ملنے والی رقم پر ٹیکس نہیں ادا کرنا پڑے گا ۔دکاندار اپنی دکان کی رجسٹریشن بذریعہ موبائل ایپ Ehsaas Rashan Riayat Program یا www. ehsaaspunjab. gov.pk/ marchant/ dashboard پر کر سکتے ہیں
