پاکستان ٹیلی کمیونیکیشن اتھارٹی نے بلاک کیے جانے والے موبائل فونز کے بارے میں صارفین کو خبردار کیا ہے۔
پی ٹی اے نے کہا ہے کہ غیر قانونی سرگرمیوں کو روکنے کے لیے کلون/ڈپلیکیٹ موبائل ڈیوائسز کو بلاک کر دیا جائے گا۔ سوشل میڈیا پلیٹ فارم پر جاری اپنے بیان میں پی ٹی اے نے صارفین کو موبائل ڈیوائسز کی تصدیق کے لیے اہم ہدایات دی ہیں۔
اگر آپ کو پی ٹی اے کی جانب سے آپ کے موبائل ڈیوائس کے کلون یا ڈپلیکیٹ ہونے کے بارے میں کوئی پیغام موصول ہوا ہے، تو #06#* ڈائل کرکے اپنے IMEI کی تصدیق کریں۔
پی ٹی اے نے موبائل ڈیوائسز کی عارضی رجسٹریشن کا نیا طریقہ کار تیار کرلیا
محکمہ نے مزید کہا کہ پی ٹی اے کے پیغام میں مذکور آئی ایم ای آئی سے اس کا موازنہ کریں۔ IMEI لاک سے بچنے کے لیے SMS موصول ہونے کے سات دنوں کے اندر PTA کو جواب دیں۔
پی ٹی اے نے کہا کہ مسئلہ برقرار رہنے کی صورت میں، براہ کرم شکایت کے لیے پی ٹی اے سی ایم ایس کے ذریعے پی ٹی اے کی ویب سائٹ پر خریداری اور ایف بی آر ٹیکس کی ادائیگی کا مکمل ثبوت فراہم کریں۔
