منڈی بہاؤالدین میں بھی غیر قانونی مقیم غیر ملکیوں کی بے دخلی کا عمل شروع ہو گیا ہے۔ نرسنگ ہاسٹل میں کیمپ لگایا گیا۔
لاہور: غیر قانونی طور پر مقیم غیر ملکیوں کو ان کے ملک واپس بھیجنے کے اقدام کو لاہور ہائیکورٹ میں چیلنج کر دیا گیا۔ اس اقدام پر شہری خیال نورو اور دیگر نے لاہور ہائیکورٹ میں درخواست دائر کر دی۔ درخواست میں موقف اختیار کیا گیا کہ غیر ملکیوں کو ملک سے واپس بھیجنا آئین پاکستان کے منافی ہے۔
لاہور ہائی کورٹ آفس نے غیر قانونی طور پر مقیم غیر ملکیوں کو ان کے ملک واپس بھیجنے کا نوٹیفکیشن منسلک نہ کرنے کی درخواست پر اعتراض لگا دیا۔ جسٹس علی باقر نجفی قابل اعتراض درخواست کی سماعت کریں گے۔
واضح رہے کہ سندھ بھر میں غیر قانونی تارکین کے خلاف آپریشن جاری ہے اور اس سلسلے میں زیر حراست غیر ملکیوں کے لیے حیدرآباد میں ہولڈنگ پوائنٹ قائم کیا گیا ہے۔ حیدرآباد اور میرپور اسپیشل ڈویژن سے غیر ملکیوں کو ہولڈنگ پوائنٹ پر منتقل کیا جائے گا۔
دوسری جانب منڈی بہاؤالدین میں بھی غیر قانونی مقیم غیر ملکیوں کی بے دخلی کا عمل شروع ہو گیا ہے۔ نرسنگ ہاسٹل میں کیمپ لگایا گیا۔ نادرا کی جانب سے غیر قانونی غیر ملکیوں کی رجسٹریشن جاری ہے۔
یکم نومبر کو 17 ہزار 118 افغان اپنے ملک گئے۔ جن میں 5 ہزار مرد، 4 ہزار سے زائد خواتین اور 7 ہزار 940 بچے شامل ہیں۔ ایک دن میں 692 خاندانوں کو 270 گاڑیوں پر گھر واپس بھیج دیا گیا۔ اب تک مجموعی طور پر 143 ہزار 135 افغان مہاجرین وطن واپس جا چکے ہیں۔
