منڈی بہاءالدین میں مبینہ پولیس مقابلہ، ساتھیوں کی فائرنگ سے 2 ملزمان ہلاک

منڈی بہاءالدین کے گاؤں چھموں میں مبینہ پولیس مقابلے میں دو ملزمان اپنے ہی ساتھیوں کے ہاتھوں مارے گئے۔

پولیس حکام کے مطابق ہلاک ہونے والوں میں شعیب عرف شاہد پنجوتھا اور مختار عرف ماکھا شامل ہیں۔ ملزمان بھتہ خوری، ڈکیتی اور منشیات فروشی کے 23 سے زائد مقدمات میں مطلوب تھے۔

حکام نے بتایا کہ مشتبہ افراد کی اطلاع ملنے پر سی آئی اے اور تھانہ ملکوال کی ٹیم موقع پر پہنچ گئی۔ پولیس کو دیکھتے ہی ملزمان نے فائرنگ کردی۔ پولیس کی جوابی فائرنگ کے نتیجے میں دو ملزمان اپنے ساتھیوں کے ہاتھوں مارے گئے جبکہ دیگر ملزمان فرار ہو گئے۔

پولیس حکام کا مزید کہنا تھا کہ مفرور ملزمان کی تلاش کے لیے علاقے میں سرچ آپریشن شروع کر دیا گیا ہے۔