ترجمان اٹامک انرجی کمیشن کے مطابق 21 سے 28 جولائی 2024 تک ایران کے شہر اصفہان میں ہونے والے 54ویں بین الاقوامی فزکس اولمپیاڈ میں پاکستان کی ٹیم نے 3 کانسی کے تمغے جیتے۔
ترجمان کے مطابق نکسار کالج کراچی کے طلحہ اشرف، لاہور گرامر اسکول کے حذیفہ التمش، دی سائنس اسکول اسلام آباد کے محمد سلمان تارڑ نے کانسی کے تمغے جیتے۔ صدیق پبلک سکول اینڈ کالج راولپنڈی کے محمد سعد بلال نے پاکستان کا اعزاز حاصل کیا۔
اولمپک میڈل یا تمغے کی اصل قیمت کیا ہے؟
پاکستانی ٹیم نے ہائیر ایجوکیشن کمیشن اور پاکستان انسٹی ٹیوٹ آف انجینئرنگ اینڈ اپلائیڈ سائنس کے مشترکہ اقدام STEM کیریئر پروگرام کے زیراہتمام اولمپیاڈ میں شرکت کی۔
فزکس ٹیم کو پیاس یونیورسٹی اسلام آباد میں ڈاکٹر محمد عرفان اور پروفیسر ڈاکٹر امان الرحمان نے تربیت دی اور مقابلے کی قیادت کامسیٹس یونیورسٹی اسلام آباد کے پروفیسر ڈاکٹر نجیب الرحمان اور ڈاکٹر رحمت اللہ نے کی۔
یہ پہلا موقع ہے کہ پاکستان اٹامک انرجی کمیشن میں تربیت یافتہ ٹیم کے چاروں ارکان نے میڈلز اور سرٹیفکیٹ حاصل کیے ہیں۔
