منڈی بہاءالدین: سی آئی اے پولیس کا لک گاوں میں اشتہاریوں سے مقابلہ۔ بدنام زمانہ اشتہاری رفاقت کمہار اپنے ساتھیوں کی مدد سے جاں بحق۔
تفصیلات کے مطابق سی آئی اے پولیس کو اطلاع ملی کہ لک گاوں میں اس وقت بدنام زمانہ اشتہاری رفاقت کمہار ہریا اسٹیشن والا اپنے ساتھیوں کے ہمراہ موجود ہے۔سی آئی اے پولیس منڈی بہاءالدین نے کرائم فائٹر آفیسر خرم تارڑ مکھن کا کی سربراہی میں تھانہ پھالیہ پولیس سمیت ریڈ کیا تو اشتہاریوں نے پولیس کو دیکھ کر فائرنگ شروع کر دی۔
پولیس مقابلہ کی اطلاع ملتے ہی پولیس کی ہائی کمان موقع پر پہنچ گئی۔پولیس مقابلہ کے دوران اشتہاری رفاقت کمہار اپنے ہی ساتھیوں کی فائرنگ کا شکار ہو کر جاں بحق ہو گیا جبکہ باقی اشتہاری اندھیرے کا فائدہ اٹھا کر بھاگنے میں کامیاب ہو گئے ۔
پولیس کا کہنا ہے کہ انشاءاللہ باقی اشتہاریوں کے خلاف بھی کارروائی جاری ہے،ان کو بھی پکڑ کر قانون کے مطابق کارروائی ہو گی۔
