منڈی بہاؤالدین سے تعلق رکھنے والے پاکستان مسلم لیگی کارکنوں نے صوبائی وزیر صنعت و تجارت چوہدری شفیع حسین سے ان کے دفتر میں ملاقات کی۔
ملاقات میں پارٹی تنظیم، علاقے کے ترقیاتی مسائل اور حکومت کے فلاحی پروگراموں پر تبادلہ خیال کیا گیا۔ اس موقع پر گفتگو کرتے ہوئے صوبائی وزیر نے کہا کہ عوام کی خدمت کے سفر کو مل کر آگے بڑھایا جا رہا ہے۔ کاروباری سہولت مراکز نئی فیکٹری لگانے کے لیے 15 دن کے اندر این او سی جاری کر رہے ہیں۔
انہوں نے کہا کہ انڈسٹری کو سولر انرجی پر منتقل کرنے کا منصوبہ بنایا گیا ہے۔ 25 سے زائد غیر ملکی سولر کمپنیوں کے ساتھ فائدہ مند بات چیت کی گئی۔ غیر ملکی کمپنیوں نے پنجاب میں شمسی توانائی کے شعبے میں سرمایہ کاری میں دلچسپی ظاہر کی ہے۔ ملاقات کرنے والوں میں نوید تارڑ، وریام اکرم گجر، غلام شبیر وڑائچ، افضل وڑائچ اور دیگر شامل تھے۔
0
Happy
0
Sad
0
Annoyed
0
Surprised
0
infected
