محکمہ موسمیات کے مطابق آج خیبرپختونخوا، اسلام آباد، پوٹھوہار ریجن، شمال مشرقی پنجاب، کشمیر اور گلگت بلتستان میں گرج چمک کے ساتھ بارش کا امکان ہے۔ بالائی خیبرپختونخوا، پوٹھوہار، کشمیر اور پہاڑی علاقوں میں بعض مقامات پر موسلادھار بارش اور ژالہ باری ہوسکتی ہے۔
اسلام آباد اور اس کے گردونواح میں گرج چمک کے ساتھ بارش کا امکان ہے، چند مقامات پر ژالہ باری کا بھی امکان ہے جب کہ راولپنڈی، مری، گلیات، جہلم، اٹک اور چکوال میں بھی بارش کی پیش گوئی کی گئی ہے۔ شمالی پنجاب کے شہروں لاہور، سیالکوٹ، خوشاب، سرگودھا، نارووال، حافظ آباد، فیصل آباد، منڈی بہاؤالدین، گجرات، قصور اور گوجرانوالہ میں بھی گرج چمک کے ساتھ بارش کا امکان ہے۔
بلوچستان کے جنوبی علاقوں میں آسمان جزوی طور پر ابر آلود رہے گا جبکہ سندھ کے ساحلی علاقوں میں بارش ہوسکتی ہے۔ خیبرپختونخوا کے دیر، چترال، سوات، کوہستان، شانگلہ اور بٹگرام جیسے علاقوں میں بارش متوقع ہے۔ مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، چارسدہ، نوشہرہ، مردان، صوابی، خیبر، اورکزئی، کرم، پشاور، کوہاٹ، ہنگو، کرک اور وزیرستان میں بھی گرج چمک کے ساتھ بارش کا امکان ہے۔
آزاد کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبرپختونخوا کے بعض علاقوں میں بارش اور کراچی میں ہلکی بوندا باندی ہوئی۔
