معروف پاکستانی اداکارہ عائشہ عمر نے کرکٹر شعیب ملک سے شادی سے متعلق افواہوں پر خاموشی توڑ دی ۔ عائشہ عمر نے شعیب ملک کے ہمراہ کروائے گئے تشہیری فوٹو شوٹ کی پرانی تصاویر شیئر کیں۔
اداکارہ عائشہ عمر اور شعیب ملک کے اس فوٹو شوٹ پر مداحوں نے سخت تنقید کی جبکہ کچھ صارفین نے دونوں کی شادی سے متعلق چہ مگوئیاں بھی شروع کردیں۔ ایک صارف نے عائشہ عمر کی شئیر کردہ تصویر پر کمنٹ کیا کہ کیا آپ دونوں کا شادی کا پروگرام ہے؟
جواب میں عائشہ عمر نے لکھا کہ جی نہیں بالکل نہیں، ان کی شادی ہوچکی ہے اور وہ اپنی بیوی کے ساتھ بہت خوش ہیں۔ عائشہ عمر نے شعیب ملک اور ثانیہ مرزا کو مخاطب کرتے ہوئے لکھا کہ میں دونوں کی بہت عزت کرتی ہوں، شعیب میرے اچھے دوست ہیں اور ہم ایک دوسرے کی عزت کرتے ہیں، ایسے رشتے بھی ہوتے ہیں دنیا میں۔
یہ بھی پڑھیں: عائشہ عمر کےبعد شعیب ملک کا ہانیہ عامر کیساتھ فوٹوشوٹ وائرل
گزشتہ دنوں سے ثانیہ مرزا اور پاکستان کے کرکٹر شعیب ملک کی طلاق کی افواہیں سوشل میڈیا پر گردش کر رہی ہیں۔ ٹائمز آف انڈیا سمیت دیگر بھارتی میڈیا آﺅٹ لیٹس نے یہ کہنا شروع کردیا ہے کہ شعیب ملک اور ثانیہ مرزا کی مبینہ علیحدگی کی وجہ عائشہ عمر سے بڑھتی قربتیں ہیں۔
حال ہی میں شعیب ملک نے عائشہ عمر کے ساتھ ایک فوٹوشوٹ کروایا ،جس کی وجہ سے دونوں کا نام پاکستان اور بھارت کے میڈیا کی شہ سرخیوں میں رہا۔
کچھ بھارتی نیوز پورٹل کی طرف سے دعویٰ کیا گیا ہے کہ شعیب ملک کے عائشہ عمر کے ساتھ مبینہ تعلق کی خبر ثانیہ مرزا کو ہو گئی تھی جس کی وجہ سے بات علیحدگی تک پہنچی۔
واضح رہے کہ شعیب ملک اور ثانیہ مرزا کی شادی کو 12 سال ہو چکے ہیں اور ان کا ایک بیٹا بھی ہے جس کا نام ازہان مرزا ملک ہے۔ ثانیہ مرزا کے انسٹاگرام اپ ڈیٹس نے ان کے الگ ہونے کی افواہوں کو جنم دیا۔
یہ بھی پڑھیں: بچپن میں جنسی ہراسانی کا نشانہ بنایا گیا، عائشہ عمر
یاد رہے کہ حال ہی میں یہ جوڑا دبئی میں چھٹیاں گزارنے گیا جہاں انہوں نے اپنے بیٹے کی سالگرہ منائی جس کی تصاویر شعیب ملک نے اپنے انسٹاگرام اکاؤنٹ پر شیئر کی لیکن ثانیہ مرزا نے نہیں کی۔
ثانیہ مرزا نے بیٹے اذہان کے ساتھ ایک تصویر بھی شیئر کی جس میں لکھا ہے کہ اس کے بیٹے کے ساتھ لمحات اسے مشکل ترین وقت سے گزرنے میں مدد کرتے ہیں۔
