منڈی بہاوالدین(نامہ نگار) ڈسڑکٹ پولیس آفیسر رضاصفدر کاظمی نے کہاہے کہ اشتہاری مجرمان کے خلاف کریک ڈاؤن کرکے124 مجرمان اشتہاری گرفتار، ناجائزاسلحہ کے ملزمان کے قبضہ سے 6 کلاشنکوف 52 پسٹل7 رائفلیں 1 ریوالور 625 روند برآمد جبکہ منشیات میں 66 ملزمان گرفتار کرکے ان سے 64کلو گرام چرس 163 بوتل شراب برآمد کر لیں
وارداتوں میں ملوث 3 گینگ کے 11 ملزمان گرفتار 34 لاکھ سے زائد کا مال مسروقہ برآمد مالکان کے حوالے کردیاگیاہے انہوں نے بتایاکہ ضلع میں جرائم پیشہ عناصر کے خلاف کاروائی کرتے ہوئے رواں ماہ کے دوران اشتہاری مجرمان، عدالتی مفروران ، چوروں، منشیات فروشوں اور ناجائز اسلحہ رکھنے والوں کاقلعہ قمع کیا گیااور سنگین مقدمات میں مطلوب ملزمان کو گرفتار کیا گیا
جبکہ چور گینگ میں عادل گینگ، دانو گینگ اور موسو گینگ شامل ہیں جو کہ چوری کو وارداتوں میں ملوث تھے انہیں پکڑکرلوگوں کالوٹاگیامال واپس کروایاگیا، ڈی پی او رضاصفدرکاظمی نے کہا کہ جرائم پیشہ عناصر کے خلاف سخت قانونی کاروائی جاری ہے، ضلعی پولیس شہریوں کے جان و مال کی حفاظت کے لئے پوری طرح متحرک ہے۔
